У Расіі прапанавалі адключаць інтэрнэт па начах для павышэння нараджальнасці
Дэпутат Бранскай абласной думы і кіраўнік руху «Расія праваслаўная» Міхаіл Іваноў прапанаваў уначы адключаць інтэрнэт для маладых пар без дзяцей. Ён мяркуе, што гэта дапаможа павысіць нараджальнасць, бо людзі замест таго, каб праводзіць час у гаджэтах, будуць больш зносіцца паміж сабой і думаць пра стварэнне сям’і, піша выданне «Абзац».
Іваноў лічыць, што аптымальны час для такога «лічбавага ўстрымання» — з 23:00 да 02:00.
Ён адзначыў, што інтэрнэт стаў формай залежнасці, якая негатыўна ўплывае на сямейныя каштоўнасці і дэмаграфічную бяспеку краіны. Паводле яго слоў, улады павінны ствараць умовы, што будуць заахвочваць маладых людзей да жывых зносін і свядомага бацькоўства.
Іваноў таксама прыгадаў, што праблему інтэрнэт-залежнасці ўжо неаднаразова ўздымалі ў Дзярждуме. Напрыклад, сенатарка Вольга Епіфанава сцвярджала, што жыццё ў сеціве спрыяе індывідуалізму і эгаізму.
У выніку дэпутат прапанаваў пачаць з добраахвотнага эксперыменту пры ўдзеле інтэрнэт-правайдэраў і сацыяльных службаў. Ён мяркуе, што абмежаванне доступу да забаўляльнага кантэнту ўначы — гэта невялікая цана за будучыню нацыі і аднаўленне моцных сямейных традыцый.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
И вообще вернуть право первой брачной ночи хозяину