Ejsmant: Statkieviča pamiłavali ŭžo paŭhoda tamu, ale tady jon viarnuŭsia ŭ turmu
Alaksandr Łukašenka ŭchvaliŭ prośbu svajakoŭ asudžanaha na 14 hadoŭ Mikoły Statkieviča adpuścić jaho paśla chvaroby. Pra heta ŭ kamientary ŚMI zajaviła pres-sakratarka Łukašenki Natalla Ejsmant.
«Dla pačatku chaču nahadać, što rašeńnie ab pamiłavańni Mikałaja Statkieviča Łukašenka pryniaŭ užo daŭno. Ale tady jechać u «rajski sad» Statkievič admoviŭsia. I viarnuŭsia ŭ turmu. Z tych časoŭ prajšło niamała času — u asudžanaha pačalisia prablemy sa zdaroŭjem. U pryvatnaści, zdaryŭsia insult hałaŭnoha mozhu», — skazała Natalla Ejsmant.
Jana adznačyła, što Łukašenku pra heta dałažyli. I im było pryniata rašeńnie ab jaho pieravodzie ŭ balnicu, dzie była zabiaśpiečana ŭsia dapamoha — i jaho vyratavali.
«Zatym Łukašenku pastupili šmatlikija zvaroty svajakoŭ i žonki, rodnych — z prośbami adpuścić asudžanaha dadomu, kab mieć mahčymaść pryhladać i dahladać jaho. Łukašenka i z hetym pahadziŭsia. U hetaj suviazi (nakolki nam viadoma) pavodle prośby rodnych — ciapier jon doma, adnaŭlajecca», — padkreśliła Ejsmant.
Pra vyzvaleńnie Mikoły Statkieviča stała viadoma ŭčora, kali źjavilisia jaho foty doma ŭ Minsku.
Palityk, kandydat u prezidenty na vybarach 2010 hoda byŭ zatrymany 31 maja 2020 hoda, kali jechaŭ na mitynh Śviatłany Cichanoŭskaj na Kamaroŭku.
14 śniežnia 2021 hoda na zakrytym sudzie ŭ Homieli asudžany na 14 hadoŭ pazbaŭleńnia voli asablivaha režymu pavodle abvinavačańnia ŭ arhanizacyi masavych biesparadkaŭ. Razam ź im asudzili i inšych viadomych apanientaŭ ułady. Pakarańnie adbyvaŭ u kałonii ŭ Hłybokim, apošnija hady ŭtrymlivaŭsia ŭ režymie inkamunikada.
U 2020 hodzie atrymaŭ premiju imia Andreja Sacharava.
11 vieraśnia 2025 hoda Statkieviča niečakana vyzvalili razam ź inšymi 51 palitviaźniami i chacieli prymusova vydvaryć u Litvu. Statkievič, adnak, admoviŭsia pierasiakać miažu i zastaŭsia na terytoryi Biełarusi. Paśla taho, jak jaho zabrali łukašenkaŭskija siłaviki, pra jahony los ničoha nie było viadoma.
-
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu
-
U adnoj ź viosak pad Minskam źjaviŭsia muziej darožnych znakaŭ. Ich tut niekalki, jość navat «piešachodny pierachod»
-
Litoŭskija pamiežniki zatrymali na miažy ź Biełaruśsiu 30 nielehałaŭ, jakija vyłazili z padkopu na miažy
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary
Naskolko nužno potieriať soviesť, čtoby takoje zajavlať?