MZS Izraila apublikavała fota šviedskaj aktyvistki Hrety Tunbierh, jakuju departujuć z krainy. Jana lacić na samalocie ŭ Šviecyju, paviedamili ŭ viedamstvie.
Tunbierh doŭhi čas pryncypova nie latała na samalotach, ličačy, što jany nanosiać vialikuju škodu ekałohii. Dla svaich pajezdak jana vykarystoŭvała karabli i ciahniki.
Hreta płyła na jachcie razam z prapaleścinskimi aktyvistami ź Italii ŭ Hazu z humanitarnaj misijaj. Jachtu pierachapiła izrailskaja achova, zatrymała ŭsich aktyvistaŭ i pieraviezła ŭ aeraport «Ben-Huryjon» dla departacyi.
«U toj čas jak Hreta i inšyja sprabavali zładzić miedyjnuju pravakacyju, adzinaj metaj jakoj było pryciahnieńnie ŭvahi hramadskaści, i jakaja ŭklučała mienš za adzin hruzavik humanitarnaj dapamohi, za apošnija dva tydni ŭ Hazu ź Izraila prybyło bolš za 1200 hruzavikoŭ z humanitarnaj dapamohaj. Akramia taho, Humanitarny fond Hazy razdaŭ kala 11 miljonaŭ porcyj ježy niepasredna mirnym žycharam u Hazie», — havaryłasia raniej u paviedamleńni MZS Izraila.
«Jość sposaby dastaŭki humanitarnaj dapamohi ŭ siektar Haza, jakija nie ŭklučajuć sełfi ŭ instahramie», — dadali ŭ viedamstvie i paabiacali pieradać «niaznačnuju kolkaść humanitarnaj dapamohi» z sudna aktyvistaŭ u Hazu pa humanitarnych kanałach.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary