Chłopčyki ŭžo nie ŭ modzie? Baćki ŭsio čaściej chočuć dačok

Z naturalnaha punktu hledžańnia na kožnyja 100 dziaŭčynak prypadaje prykładna 105 chłopčykaŭ — tak evalucyja «kampiensuje» bolš vysoki ŭzrovień śmiarotnaści siarod mužčyn.

Adnak, jak piša The Times, z 1980-ch hadoŭ, kali ŭ mnohich krainach šyroka raspaŭsiudzilisia dastupnyja ŭltrahukavyja daśledavańni, situacyja źmianiłasia. Baćki, asabliva ŭ Azii, pačali masava pazbaŭlacca ad žanočych embryjonaŭ. U vyniku, zhodna z padlikami, z 1990 hoda va ŭsim śviecie naradziłasia na 21,6 miljona dziaŭčynak mienš, čym pavinna było b.

Samyja vyraznyja prykłady — Kitaj i Indyja, dzie «adsutnyja dziaŭčynki» stali nie tolki demahrafičnaj, ale i sacyjalnaj prablemaj. U siaredzinie 1990-ch u Paŭdniovaj Karei na 100 dziaŭčynak prypadała ŭžo 117 chłopčykaŭ. U kitajskich vioskach navat uźnik fienomien «pakaleńnia niežanatych mužčyn».

@nashaniva Cikava, jakija ž imiony dla svaich chłopčykaŭ i dziaŭčynak vybirali biełarusy! #mova #biełaruskajamova #biełaruś #naviny #minsk #historyjabiełarusi #našaniva #biełaruśnovosti ♬ Epic Music(863502) - Draganov89

Trend razvaročvajecca

Ale ciapier usio źmianiajecca. Pavodle analizu haziety The Times, u 2025 hodzie kolkaść tak zvanych «zhublenych dziaŭčynak» («missing girls») va ŭsim śviecie składzie kala 107 000 — u siem razoŭ mienš, čym u 2000 hodzie (tady hetaja ličba dasiahała 806 000).

Pavialičyć

Paŭdniovaja Kareja pakazvaje najlepšy prahres: zaraz tut naradžajecca 105 chłopčykaŭ na 100 dziaŭčynak — heta ŭ miežach naturalnych ličbaŭ. U siaredzina 1990-ch tut suadnosiny byli 117 na 100 na karyść chłopčykaŭ. Navat u Kitai i Indyi pakazčyki źnizilisia: da 111 i 107 chłopčykaŭ na 100 dziaŭčynak adpaviedna.

Jeŭrapiejskija krainy taksama demanstrujuć prykmiety źmieny staŭleńnia da synoŭ. Daśledavańnie 2023 hoda, praviedzienaje ŭ Bielhii, Čechii, Estonii, Francyi, Hiermanii, Vienhryi, Litvie i Polščy, pakazała: mnohija baćki radziej płanavali druhoje dzicia, kali pieršaje było dziaŭčynkaj, što śviedčyć ab tym, što jany chacieli mienavita dziaŭčynku.

Pavialičyć

Cikavyja zruchi i ŭ ZŠA. Tam, dzie dazvolena vybirać poł embryjona padčas EKA, žančyny ŭsio čaściej vybirajuć dziaŭčynak. A ŭ Japonii — krainie z doŭhimi tradycyjami patryjarchalnaha siamiejnaha ładu — ciapier 75% par, jakija chočuć mieć tolki adno dzicia, addajuć pieravahu dačce. U 1982 hodzie hety pakazčyk byŭ mieniej za pałovu.

Čamu mienavita dziaŭčynki?

Pryčyny źmienaŭ roznyja. U raźvitych krainach dočak časta ŭsprymajuć jak bolš čullivych i adkaznych. U Kitai baćki ŭsio čaściej bajacca, što syn zastaniecca samotnym siarod miljonaŭ niežanatych mužčyn.

U Vialikabrytanii chłopcy traplajuć u sacyjalnyja «hrupy ryzyki»: kolkaść mužčyn va ŭzroście 16—24 hadoŭ, što nie vučacca i nie pracujuć, z 2020 hoda vyrasła na 40%. Dla dziaŭčat hety rost składaje tolki 7%. Mnohija robiać vysnovu: dačka — bolš nadziejny vybar.

U Banhładeš i ŭ krainach Afryki na poŭdzień ad Sachary baćki taksama ŭsio čaściej kažuć, što im važnaja nie stolki «praciah rodu pa mužčynskaj linii», kolki raŭnavaha i harmonija ŭ siamji. Hety hłabalny pavarot moža stać adnoj z samych cikavych sacyjalnych źmien XXI stahodździa.

• 7
• 0
• 1
• 1
• 1
• 0
• 0
• 1