Pra atrymańnie ad Rasii ciełaŭ 1200 zahinułych vajskoŭcaŭ Uzbrojenych siłaŭ Ukrainy paviedamiŭ Ukrainski kaardynacyjny štab pa pytańniach abychodžańnia z vajennapałonnymi.
U štabie adznačyli, što śledčyja pravaachoŭnych orhanaŭ razam z ekśpiertnymi ŭstanovami MUS praviaduć usie nieabchodnyja ekśpiertyzy i identyfikacyju repatryjavanych ciełaŭ.
Viartańnie Maskvoj ciełaŭ zahinułych ukrainskich vajskoŭcaŭ Maskvoj adbyłosia ŭ adpaviednaści z dvuchbakovymi damoŭlenaściami, dasiahnutymi na pieramovach u Stambule 2 červienia.
U toj ža čas z rasijskaha boku śćviardžajuć, što Rasija ŭ piatnicu nibyta nie atrymała ad ukraincaŭ ciełaŭ svaich vajskoŭcaŭ.
Abmien ciełami sałdat pamiž Rasijaj i Ukrainaj u ramkach stambulskich damoŭlenaściaŭ, jakija praduhledžvajuć viartańnie pa 6000 zahinułych z kožnaha boku, pačaŭsia 11 červienia. Maskva tady pieradała 1212 ciełaŭ, a Kijeŭ — 27.
9 červienia baki taksama praviali pieršy etap abmienu vajennapałonnymi va ŭzroście ad 18 da 25 hadoŭ, a taksama viartali dadomu paranienych i ciažkachvorych vajskoŭcaŭ. Kolkaść pieradadzienych bajcoŭ ułady Rasii i Ukrainy nie ŭdakładniali.
Ukraina i Rasija praviali abmien vajennapałonnymi
Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś
Prajšoŭ druhi etap rasijska-ŭkrainskaha abmienu vajennapałonnymi. Abmianiali i adnaho biełarusa
Rasija i Ukraina praviali pieršy etap novaha abmienu vajennapałonnymi — uzrostam da 25 hadoŭ
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie7
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary