Biełaruski chakieist-miljanier Alaksiej Protas druhi raz staŭ baćkam
U paśpiachovaha hulca NCHŁ i jaho žonki Taćciany naradziłasia dačka.
Pra ščaślivuju padzieju ŭ siamji raspaviała ŭ instahramie žonka Alaksieja Protasa Taćciana. Jana apublikavała ryłs z hiendar-paci, jakoje adbyłosia raniej: «3 sakavika my stali baćkami ŭ druhi raz. My tak doŭha čakali ciabie, naš maleńki cud. Tut toj cudoŭny momant, kali my daviedalisia, chto ty, a siońnia sustrelisia».
Alaksiej navat prapuściŭ čarhovuju hulniu svajoj kamandy, kab być z žonkaj padčas rodaŭ.
I choć Taćciana nie piša poł niemaŭlatki, padkazku možna znajści ŭ videa: tam bačna, što ŭ klučavy momant źjaŭlajecca ružovy dym.
Taćciana i Alaksiej razam užo šeść hadoŭ. Jany aboje ź Viciebsku. Historyja ich znajomstva nie pazbaŭlena ramantyki. U pary byli ahulnyja siabry, i ŭ niejki momant Alaksiej vyrašyŭ napisać dziaŭčynie ŭ sacyjalnych sietkach. Taja spačatku skieptyčna pastaviłasia da chłopca: chakieist — a nie va ŭsich spartsmienaŭ reputacyja dobrych mužoŭ, — dyk jašče i małodšy za jaje. Ale ŭsio ž vyrašyła dać tamu šaniec.
U 2021‑m para pabrałasia šlubam — Alaksieju tady było 20 hadoŭ. A praz dva hady ŭ ich z Taćcianaj naradziłasia pieršaja dačka Alisa.
Siamja žyvie ŭ ZŠA, ale časam u akaŭncie Taćciany źjaŭlajucca fotazdymki ź Biełarusi. U intervju Alaksiej raspaviadaŭ, što žonka davoli bystra zasvoiłasia ŭ novaj krainie. A dapamahło toje, što ŭ toj momant u chakieistaŭ ź jaho kamandy amal nie było ruskamoŭnych žonak. Dziakujučy hetamu Taćciana chutka pačała razmaŭlać na anhlijskaj.
Dziaŭčyna skončyła BDUIR, ale potym zajmałasia internet-markietynham.
Alaksiej Protas u 2024 hodzie padpisaŭ 5‑hadovy kantrakt z «Vašynhtonam». U ciapierašnim siezonie jon zarablaje kala 3,75 miljona dalaraŭ za hod.
Ciapier čytajuć
Łatvija «pa techničnych pryčynach» zakryła miažu ź Biełaruśsiu25
Kamientary