U Kalininhradzie demantavali rekłamu pa-biełarusku. Kažuć, što za kampaniju ź inšaj na zamiežnych movach
Fota rabot kala kramy «Bierioza u doma» (heta sietka biełaruskich supiermarkietaŭ u Kalininhradzie) raźlaciełasia pa miascovych pablikach. Dvoje rabočych na im ździrajuć z akna naklejenuju rekłamu ź biełaruskamoŭnym nadpisam «Kuplajcie biełaruskaje». Adrazu źjaviłasia viersija, što heta robicca praź niadaŭna vydadzieny novy zakon ab ruskaj movie ŭ rekłamie.
U pres-słužbie administracyi horada miascovamu vydańniu «Podjom» zajavili, što na apublikavanym zdymku rekłamu zdymajuć praz parušeńnie pravił jaje raźmiaščeńnia.
«Tablički nichto nie zdymaje. Zdymajuć nalepki z voknaŭ, jakija zakryvajuć usio akno. Heta zdymajecca zhodna z praviłami ŭparadkavańnia — vokny nie mohuć być całkam zaklejenyja nieprazrystymi nalepkami. Nakolki ja viedaju, usie tablički ŭ nas u horadzie pryviali ŭ paradak u adpaviednaści z zakonam, prablem z hetym u horadzie niama».
U meryi paabiacali vyśvietlić, ci trapiać nadpisy na biełaruskaj movie pad dziejańnie novaha zakona.
Rasijski fiederalny zakon № 168‑FZ ad 24 červienia 2025 hoda patrabuje ad biznesu, kab zamiežnaje słova ŭ publičnych materyjałach albo dublavałasia pierakładam taho ž pamieru i šryftu, albo było zarehistravanym tavarnym znakam, znakam absłuhoŭvańnia ci firmovym najmieńniem.
Kamientary