Capkała paprasiŭ u ZŠA, kab u mirnuju damovu pa Ukrainie nie zabyli zapisać, što Biełaruś datyčnaja da ahresii
Valer Capkała paviedamiŭ u telehram-kanale, što 3 sakavika ŭ Biełym domie adbyłasia jaho sustreča z namieśnikam daradcy prezidenta ZŠA pa nacyjanalnaj biaśpiecy i daradcam vice-prezidenta ZŠA pa nacyjanalnaj biaśpiecy Endru Bejkieram, padčas jakoj «byŭ abmierkavany šerah pytańniaŭ mižnarodnaha paradku dnia».
U pryvatnaści, piša Capkała, abmierkavali pytańni rehijanalnaj biaśpieki i ŭdzieł Biełarusi ŭ vajnie Rasii suprać Ukrainy.
«Było prapanavana, kab pry padrychtoŭcy budučaha mirnaha dahavora pa Ukrainie Biełaruś była ŭklučana ŭ jaho jak dziaržava, što ŭziała ŭdzieł u vajnie, daŭšy dla vajennaj kampanii Rasii svaju terytoryju i infrastrukturu», — piša jon.
Akramia taho, byli abmierkavanyja ŭpłyŭ štučnaha intelektu na mižnarodnuju biaśpieku i inicyjatyva pryciahnieńnia nobieleŭskich łaŭreataŭ da padrychtoŭki stratehičnaha dakłada pra mahčymaści i ryzyki ŠI dla suśvietnaj palityki, ekanomiki i biaśpieki.
Taksama abmierkavali budučyniu krain, jakija pierachodziać ad aŭtarytarnych režymaŭ da demakratyi abo adnaŭlajucca paśla vojnaŭ, najpierš Vieniesueła, Kuba i dziaržavy Blizkaha Uschodu.
Asobna Capkała pradstaviŭ inicyjatyvu Computer Class for Every School in Africa, nakiravanuju na pieraadoleńnie hłabalnaj ličbavaj niaroŭnaści. Prajekt praduhledžvaje zabieśpiačeńnie kožnaj afrykanskaj škoły kampjutarnymi kłasami.
-
20‑hadovuju dziaŭčynu z ahraradka Makrany na miažy z Ukrainaj asudzili za Hajuna
-
Sabalenku ŭ Minsku achoŭvała kampanija, zasnavanaja byłym hebistam i ŭčastkovym. Na piarednim krai byŭ lehiendarny Ivanyč
-
Polšča rezka źniziła vydaču mižnarodnaj abarony biełarusam. U červieni admoŭ udvaja bolš, čym stanoŭčych rašeńniaŭ
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary