Siarod inšaha Alaksandr Bastrykin sustreŭsia z Alaksandram Łukašenkam i ŭručyŭ jamu miedal Śledčaha kamiteta Rasii «80 hadoŭ Pieramohi savieckaha naroda ŭ Vialikaj Ajčynnaj vajnie».
Adnosna ž sutnasnaha boku vizitu, to sam Bastrykin paviedamiŭ, što abmiarkoŭvaŭ z Alaksandram Łukašenkam mahčymaści supracoŭnictva śledčych orhanaŭ Biełarusi i Rasii. Meta jaho pajezdki — praviadzieńnie pracoŭnaj narady pa aktualnych kryminalnych spravach i abmierkavańnie stvareńnia sumiesnych śledča-apieratyŭnych hrup pa tych vypadkach, dzie zakranajucca intaresy abiedźviuch krain.
Akramia taho, baki abmierkavali prablemu niezakonnaj mihracyi, jakaja zastajecca aktualnaj dla Rasii. Bastrykin taksama raskazaŭ pra ŭdzieł rasijskaha Śledčaha kamiteta ŭ rasśledavańniach złačynstvaŭ, źviazanych z vajnoj va Ukrainie. Jon nazvaŭ razmovu z Łukašenkam ščyraj, cikavaj i karysnaj.
Taksama Bastrykin pryniaŭ udzieł u mižnarodnaj kanfierencyi, pryśviečanaj prablemam kryminalistyki, kryminalnaha prava i pracesu. Jon padkreśliŭ, što nie maje namieru dzialicca dośviedam z zachodnimi krainami i vystupaje za stvareńnie ŭłasnych rasijskich technałohij u halinie ličbavaha raskryćcia złačynstvaŭ. Ź biełarusami, pavodle jaho słoŭ, supracoŭnictva adbyvajecca adkryta i aktyŭna.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii2
Kamientary