Vyjšła kniha «Biełaruskija kałychanki», jakuju ŭkłaŭ muzyka, papularyzatar falkłoru Siaržuk Doŭhušaŭ. Dapamahała ŭ vypusku kamanda inicyjatyvy Tradycyja / EtnaTradycyja i Studio Magenta. Srodki na vydańnie byli sabranyja praz kraŭdfandynhavuju płatformu Gronka, piša Belllit.info.
U knizie sabranyja kałychanki z usich etničnych biełaruskich rehijonaŭ, u tym liku Padlašša i Paleśsia. Hałubok, pieŭnik i, viadoma, lubimy katok — usie hetyja znajomyja piersanažy ažyvajuć na staronkach knihi dziakujučy cudoŭnym ilustracyjam. Hartajučy knihu ź dziciom, vy vandrujecie pa mahičnym śviecie, pa krainie maraŭ i snoŭ. Zaśpiavać kałychanku moža kožny, tut nie patrebnaja śpiecyjalnaja muzyčnaja adukacyja, bo hałoŭnaja kaštoŭnaść nie ŭ majsterstvie, a ŭ hajučym hołasie rodnaha čałavieka, jaki daje adčuvańnie ciepłyni i biaśpieki.
«Bolš za hod ja pracavaŭ nad joj: šukaŭ i adbiraŭ kałychanki z roznych kutkoŭ Biełarusi, układaŭ, pisaŭ teksty. Potym — raspracoŭka idei, abmierkavańni, makiet… I voś jana — hatovaja!» — dzielicca navinoj muzyka Siaržuk Doŭhušaŭ i dadaje, što pryśviačaje knihu svajoj dačce Evielinie.
Razam z knihaj vyjšaŭ i studyjny albom «Kałychanki», jaki zapisała Vola Dziemka z hurtom VOLYA. Usie treki, razam z aŭtentyčnymi zapisami, možna pasłuchać pa QR-kodach u knizie.
Kniha prailustravanaja Tikava_studio, a taksama maje pierakłady na anhielskuju movu i noty.
«Biełaruskija kałychanki» užo možna nabyć u kniharni «Knihaŭka» (jak užyvuju, tak i anłajn), na Allegro, a taksama na žyvych prezientacyjach, jakija płanuje pravodzić Siaržuk Doŭhušaŭ.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary