Siońnia 3 hady, jak trapili ŭ pałon vajary «Klešč i «Trombli», zahinuli «Brest», «Papik», «Atam» i «Siabro»
26 červienia 2022 hoda pad Lisičanskam adbyŭsia adzin z samych trahičnych bajoŭ dla biełaruskich dobraachvotnikaŭ z pałka Kastusia Kalinoŭskaha.
Tam hrupa biełarusaŭ sutyknułasia z kałonaj rasijskich vojskaŭ i dała boj. Zahinuli čatyry biełaruskija dobraachvotniki: Ivan «Brest» Marčuk — kamandzir bataljona «Vołat»; Vasil «Siabro» Parfiankoŭ; Vasil «Atam» Hrudovik; Vadzim «Papik» Šatroŭ.
«Nakryli ŭsich. Častka biełarusaŭ razam z «Brestam» prykryła adychod inšaj hrupy, «Bresta» surjezna paraniła ŭ nahu i hałavu, u hetym bai jon źniščyŭ jak minimum adzin tank», — raskazvaŭ «Našaj Nivie» adzin sa śviedkaŭ boja.
«Apošnim paviedamleńniem zahinułaha Ivana Marčuka było: «Na nas jedzie tank. Adpracavaŭ pa im».
U tym ža bai ŭ pałon trapili dvoje bajcoŭ: Jan «Trombli» Dziurbiejka i Siarhiej «Klešč» Dziohcieŭ.
Ich imiony byli ŭklučany va ŭkrainskija śpisy na abmien pałonnymi jašče ŭ lipieni 2022 hoda, ale rasijski bok admaŭlajecca addavać biełarusaŭ, pra što raspavioŭ niadaŭna prezident Ukrainy Uładzimir Zialenski.
Na siońniašni dzień ich los zastajecca nieviadomym.
-
Łukašenka — Bastrykinu: My prytrymlivajemsia adnoj linii, adnoj pazicyi
-
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
-
Mieniedžara z chołdynha «Amkador» asudzili za «sadziejničańnie ekstremizmu»
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary
Bo daŭno ličyć nas za svaju majomaść.