Vydaviectva «Januškievič» anansavała vychad uvosień bestsellera polskaha kulturołaha Zofji Zaleskaj Zaniechanie ŭ pierakładzie na biełaruskuju movu. Aryhinał vyjšaŭ sioleta ŭ krakaŭskim vydaviectvie Karakter, ź jakim u biełaruskaha vydaviectva skłalisia dobryja partniorskija stasunki, piša Bellit.info.
«Kožnaja kniha tut [u vydaviectvie Karakter] — jak na padbor. Možna brać lubuju z zapluščanymi vačyma — i ciabie čakaje zachapleńnie. My nie adoleli hetuju spakusu i… zaklučyli pieršy kantrakt», — padzialilisia ŭ vydaviectvie «Januškievič».
U zachodniaj kultury aktyŭnaść aceńvajecca stanoŭča, a «biaździejnaść» atajasamlivajecca z chvarobaj. Da tych, chto admaŭlajecca dziejničać, ruchacca, staviacca z padazreńniem. Ale kali panuje niespraviadlivaść, viaducca vojny poŭnyja aktyŭnych dziańniaŭ, katehoryja «biaździejnaści / niadziejańnia» taksama moža stać šancam abaranić ułasnuju volu i hodnaść.
Kniha Zofji Zaleskaj «Zaniechanie» — heta subjektyŭny aŭtarski katałoh pryncypovych «niedziejańniaŭ». Siarod hierojaŭ knihi Arciur Rembo, Dž. D. Selindžer, Frank Fišer, hieraini prozy Eleny Fierante, Rałan Bart, ananimnyja žančyny i mnohija inšyja. Aŭtarka raźbiraje ichnyja matyvacyi dziejničać ci nie dziejničać u peŭnych akaličnaściach.
«My pakul tak i nie pryjšli da adzinaj dumki, jak lepiej pierakłaści tytuł [nazvu]. Adnym słovam, hety razumny apovied-daśledavańnie pra toje, što zabić bołt, adkłaści spravy ŭ doŭhuju šufladu — nie tak užo i kiepska ŭ šalonym pa dynamicy śviecie, u jakim my žyviom siońnia», — adznačajuć u vydaviectvie.
Nad pierakładam knihi pracuje Kaciaryna Macijeŭskaja.
«Na dziva mocna pracuje hieahrafičny faktar». Vydaviec Andrej Januškievič raskazaŭ, jak raspaŭsiudžvaje biełaruskija knihi praz Amazon
Biełaruskija knihi źjavilisia ŭ papularnaj polskaj kniharni Empik
Biełaruskija vydaŭcy Nadzia Kandrusievič i Dźmitryj Strocaŭ stali łaŭreatami mižnarodnaj premii IPA Prix Voltaire 2025
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary