Hramadstva4141

«Cichanoŭski nam viarnuŭ samaje hałoŭnaje pytańnie». Pra što kaža Čały?

Analityk Siarhiej Čały acaniŭ upłyŭ vyzvaleńnia Cichanoŭskaha na biełaruskaje hramadstva.

«Cichanoŭski viarnuŭ nam ciapier u dyskurs pytańnie, jakoje naŭprost nie stavicca, ale jakoje majecca na ŭvazie absalutna va ŭsich abmierkavańniach, jakija źviazanyja z voś hetaj novaj situacyjaj, — što ž sapraŭdy było ŭ 2020 hodzie? (…) 2020 hod heta što? Pieramoha ci paraza?»

— adznačyŭ ekanamist Siarhiej Čały ŭ novym vypusku jutub-prajekta «Obyčnoje utro».

Adzinaha adkazu na hetaje pytańnie ŭ hramadstva niama.

Na asabisty pohlad Čałaha, padziei 2020 hoda mieli charaktar buržuazna-demakratyčnaj revalucyi, za jakoj nastupiła dastatkova chutkaja kontrrevalucyja.

Čały padkreślivaje, što pratesty 2020 hoda nielha nazvać nacyjanalna-vyzvalenčaj baraćboju:

«Ja asabista pamiataju, što na mitynhu Cichanoŭskaj, samym značnym, jaki sabraŭ kala 60 000 ludziej na [płoščy] Banhałor, byŭ i čyrvona-zialony ściah, i bieł-čyrvona-bieły, i jeŭrapiejski. Byli roznyja ściahi, i nie hetaje pytańnie stajała. Heta nie było pytańnie hieapalityčnaha vybaru. Heta było pytańnie buržuazna-demakratyčnyj revalucyi, tamu što my nasamreč mieli spravu ź nieafieadalizmam».

«Tak pieramoha heta ci paraza? Padmanuli nas ci heta ŭsio ž taki historyja, jakoj nam treba hanarycca, a nie apłakvać i haravać z hetaj nahody pastajanna? Heta pytańnie da hetaj pary nie vyrašana. Ja baču, što jość ludzi, jakija prytrymlivajucca vielmi roznych punktaŭ pohladu».

Čały prapanuje kancepcyju, jak možna stavicca da tych padziej, — «revalucyi, jakaja pieramahła, ale była skradziena».

U hetym kantekście analityk nahadvaje historyju Polščy, jakaja viedaje šmat prykładaŭ paŭstańniaŭ, jakija byli zadušanyja:

«Usia historyja paraz była ŭkładziena ŭ słavutuju historyju Polščy ab tym, kali b my tady «siadzieli na žopie roŭna i nie abaraniali svaju hodnaść, u nas nie było b taho, što ŭ nas jość ciapier».

Čały adznačaje, što mienavita adziny pohlad na svajo minułaje źjaŭlajecca hałoŭnym kryteryjem dla vyznačeńnia nacyi:

«Davajcie pasprabujem jakoje-niebudź vyznačeńnie, jaki-niebudź samy hałoŭny kryteryj. (…) Abaviazkova vyśvietlicca, što my znachodzim vypadak, kali nacyja isnuje, a hety kryteryj nie źjaŭlajecca vyznačalnym. Ale jość adzin, jak mnie zdajecca, bieź jakoha nacyja žyć nie moža — ahulny pohlad na svajo histaryčnaje minułaje, adziny naratyŭ, jaki apisvaje, jak jana naradziłasia, jak jana žyła, dzie znachodzicca ciapier i kudy jana ruchajecca dalej. I voś biez hetaha naratyvu niama nasamreč nacyi».

Na pohlad analityka, ciapier biełaruskaje hramadstva maje niekalki roznych punktaŭ hledžańnia na hety kont, što ŭnosić raskoł u hramadstva. I heta nie prablema, jakuju stvaryŭ Cichanoŭski, jon tolki jaje vyjaviŭ:

«Kali my nie možam vyznačycca pa padziejach 2020-2025 hadoŭ, to-bok tych, jakija prosta lažać pierad nosam, to, biezumoŭna, my majem situacyju raskołu. I nie Cichanoŭski jaho ŭnios. Jon jaje tolki prajaviŭ».

Tolki paśla adkazu na hetaje pytańnie, padkreślivaje Čały, možna iści dalej:

«Kali my paličym, što heta paražeńnie, ale toje samaje paražeńnie, bieź jakoha niemahčymy nijakija inšyja pieramohi, to tady my pavinny, jaki minimum, zrabić niejkija ŭroki. To-bok, jaki faktar byŭ [rašajučym], čamu hetyja vybary byli vyjhrany, a ŭsie papiarednija (…) prajhrany. I na hetaje pytańnie treba adkazvać».

Čały zaŭvažaje, što ŭ jaho jość svoj adkaz na pastaŭlenaje pytańnie, jaki moža šmat kamu nie spadabacca:

«Taktyčna, čamu pieramoha adbyłasia, tamu što była stvorana šyrokaja kaalicyja. Ściahi byli roznyja, movy byli roznyja, ludzi byli z roznymi hieapalityčnymi aryjentacyjami, moža być, z roznymi kaštoŭnasnymi ŭstanoŭkami, ale jany abjadnalisia ŭ situacyjnuju kaalicyju dziela adzinaj mety. I voś heta źjaŭlajecca hałoŭnym vynikam 20-ha hoda i našym dasiahnieńniem — što heta kaalicyja mahčyma (…) pavierch tych barjeraŭ, jakija pamiž nami isnujuć».

Pavodle analityka, viartańnie Cichanoŭskaha vymahaje nie zamoŭčvać, a vykazvać toje, što dahetul zastałosia niavykazanym:

«Ja liču, što ciapier suśvietna-histaryčnaje značeńnie Cichanoŭskaha ŭ tym, što jon prajaviŭ, jak raniej havaryli fatohrafy (jość prajaviciel i jość zamacavalnik), rečy, jakija isnujuć, ab jakich nieabchodna havaryć».

Kamientary41

  • daviedka
    08.07.2025
    Da zabud́tie vy užie, čto było piať let nazad, čto rańš było, to bolš nie budzie...
    V 2020 priedostaviłsia poślednij šans, no i jeho prosrali im nie vospolzovaliś.
  • Vitt
    08.07.2025
    Ale čamu navat zaraz nie piša aútar naúporst, za što (ci naadvarot) vyjšli ludzi ú 2020m:)? Pachadziú obak i pajšoú...
  • Uzrovień
    08.07.2025
    Surjozna, pisać pra mierkavańnie russkoho čiełovieka Čałaha jaki da taho karystajecca savieckaj terminałohijaj?

Ciapier čytajuć

Maštabny zboj u troch biełaruskich bankach: z rachunkaŭ źnikajuć hrošy3

Maštabny zboj u troch biełaruskich bankach: z rachunkaŭ źnikajuć hrošy

Usie naviny →
Usie naviny

Da 1 listapada štrafavać za parušeńnie novych pravił markiroŭki tavaraŭ nie buduć1

Małady, ale vopytny słucki barsietačnik stamiŭsia žyć doma pa zakonie — pajechaŭ vajavać za Rasiju i źnik u šturmie9

U Rasii zajavili pra namier stvaryć svoj anałah kolišniaha amierykanskaha USAID1

Machlar pry dapamozie ŠI vydaŭ siabie za Marka Rubia i źviazaŭsia z tryma ministrami zamiežnych spraŭ1

U italjanskim aeraporcie mužčynu zasmaktała ŭ ruchavik samalota1

«Nie chacieŭ by pamierci na zdymačnaj placoŭcy». Majkł Duhłas sychodzić z kino1

«Mała što ŭ internecie pišuć». Vykładčyk, jakoha abvinavacili ŭ damahańniach, praciahnie pracavać u ansambli «Biełaja Ruś»15

Jak miedsiastra z Barysava adpačyvaje amal biez hrošaj5

Tajvań choča adarvać svaju ekanomiku ad Kitaja. Nakolki heta realna?2

bolš čytanych navin
bolš łajkanych navin

Maštabny zboj u troch biełaruskich bankach: z rachunkaŭ źnikajuć hrošy3

Maštabny zboj u troch biełaruskich bankach: z rachunkaŭ źnikajuć hrošy

Hałoŭnaje
Usie naviny →

Zaŭvaha:

 

 

 

 

Zakryć Paviedamić