Vaskrasienski: Adkryvajecca nieba — i Aleś Bialacki adrazu vychodzić
Pravaabaronca i były palitviazień Leanid Sudalenka parazmaŭlaŭ z prapahandystam Juryjem Vaskrasienskim pra mahčymaści vyzvaleńnia palitviaźniaŭ. Pradstaŭnik łukašenkaŭcaŭ raskazaŭ, jakija musiać być umovy dla poŭnamaštabnaj amnistyi.
Juryj Vaskrasienski prosić nie ličyć jahonuju pazicyju aficyjnaj, ale śćviardžaje:
«Miarkuju, kali našy amierykanskija kalehi-partniory zdymuć usiakija abmiežavańni na tranzit kaliju, na prodaž azotu, kali jany pojduć na taki krok, jak adkryćcio pavietranaj prastory, pierakanaŭšy jeŭrapiejskich partnioraŭ heta zrabić, ja miarkuju, što turmy b apuścieli jak minimum u dva razy. Ja maju na ŭvazie tuju kolkaść tych ludziej, jakich vy nazyvajecie palityčnymi viaźniami».
Padčas razmovy jon paŭtaraje hety tezis nieadnarazova, asabliva robiačy akcent na adnaŭleńnie pavietranaha złučeńnia:
«Dajcie plušku. Adkryjcie nieba dla biełarusaŭ. Dajcie dazvoł na pravoz kaliju».
«Adkryvajecca nieba — i Aleś Bialacki adrazu vychodzić».
Biez maksimalnych sastupak režymu nijakaje palapšeńnie situacyi z palitviaźniami, pavodle słoŭ Vaskrasienskaha, niemahčymaje:
«Ja źjaŭlajusia adnym z samych libieralnych pradstaŭnikoŭ ciapierašniaha biełaruskaha palitykuma. Ale navat ja, budučy kiraŭnikom dziaržavy, nie vypuściŭ by ni Babaryku, ni Kaleśnikavu, ni Bialackaha bieź niejkich sustrečnych krokaŭ. Nam heta sto hadoŭ nie treba. Nam, jak palityčnaj sistemie».
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ2
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Davaj tak - [Red. Vydalena] Łuku, kolu, Viciu i Hannu Siałuk. [Red. Vydalena] Azaronka i Karpiankova. Hihina ŭ navinki na lačeńnie šyzy. I adrazu zdymajem pałovu sankcyjaŭ, hatovy na takoje?
[Zredahavana]