U adnoj z rasijskich abłaściej prakuratura dabiłasia znosu pomnika Stalinu
Arbitražny sud Vałahodskaj vobłaści zadavoliŭ pazoŭ miascovaj prakuratury i pryniaŭ rašeńnie źnieści pomnik savieckamu dyktataru Iosifu Stalinu, jaki byŭ ustanoŭleny na terytoryi muzieja «Vałahodskaja ssyłka», i viarnuć jaho aŭtaru, piša The Moscow Times.
Padstavaj dla pazovu stali vyniki pravierki, praviedzienaj pa daručeńni abłasnoj prakuratury. U chodzie pravierki vyjavili parušeńni pry dziaržaŭnych zakupkach, u tym liku niedachop prazrystaści, kankurencyi i nieefiektyŭnaje vykarystańnie biudžetnych srodkaŭ. Prakuratura zapatrabavała pryznać kantrakt na stvareńnie pomnika niesapraŭdnym, viarnuć jaho stvaralniku i spahnać 10,5 miljonaŭ rubloŭ (kala 117 tysiač dalaraŭ) na karyść muzieja.
Praŭda, pakul rašeńnie suda nie ŭstupiła ŭ siłu i moža być abskardžana. Hubiernatar Vałahodskaj vobłaści Hieorhij Filimonaŭ nazvaŭ rašeńnie suda «pravavymi niuansami» i zajaviŭ: «Sam abjekt nie padlahaje dyskusii. Budzie stajać».
Hety pomnik Stalinu byŭ ustalavany ŭ śniežni 2024 hoda i vyklikaŭ šyroki hramadski rezanans. Adnak jon nie adzin u rehijonie. 4 maja ŭ pasiołku Kaduj taksama źjaviŭsia bronzavy biust Stalina pobač z pomnikam Leninu — pa inicyjatyvie KPRF. A 30 červienia ŭ horadzie Nikolsk ustalavali jašče adzin čuhunny biust Stalina ŭ parku 50-hodździa Pieramohi, pobač z pomnikam Leninu. Pavodle kiraŭnika rajona, inicyjatyva išła ad starejšaha pakaleńnia.
Na siońnia ŭ Rasii naličvajecca bolš za 110 pomnikaŭ Stalinu ŭ 26 rehijonach. Bolšaść ź ich źjaviłasia padčas kiravańnia Uładzimira Pucina.
Źjezd KPRF abviaściŭ pamyłkovym dakład Chruščova pra kult asoby Stalina
«Jak u 1937-m». Śmierć rasijskaha ministra — papiaredžańnie dla palityčnaj elity
Homielski biznesoviec-łukašyst, jaki vajuje za Stalina, napisaŭ danos sam na siabie
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym
Polšča pryznała Alaksandra Mašenskaha niepažadanaj asobaj27
Kamientary