Deputat Roślikaŭ paśla pravału jaho partyi na vybarach u Łatvii nie źbirajecca viartacca ź Biełarusi
Jaho partyja atrymała na vybarach krychu mienš za 2 pracenty.
Pakolki na parłamienckich vybarach partyja «Stabilnaści!» atrymała ŭsiaho 1,997% hałasoŭ vybarščykaŭ i, adpaviedna, nie prajšła ŭ Siejm i straciła dziaržaŭnaje finansavańnie, lidar partyi Alaksiej Roślikaŭ nie płanuje viartacca ź Biełarusi ŭ Łatviju, paviedamiła staršynia praŭleńnia partyi Śviatłana Čułkova, piša Delfi.lv.
U toj ža čas Čułkova adznačyła, što Roślikaŭ nie maje namieru spyniać palityčnuju dziejnaść.
«Jon praciahnie aktyŭna zajmacca palitykaj, vykazvać svajo mierkavańnie i abaraniać tych ludziej i tyja pytańni, jakim da hetaha času pryśviačaŭ svaju pracu», — zajaviła palityk.
Čułkova adznačyła, što pierad vybarami Roślikaŭ vyrazna zajaviŭ: kali žychary Łatvii padtrymajuć jaho i buduć hatovyja jaho abaraniać, jon budzie hatovy viarnucca ŭ Łatviju.
Partyja «Stabilnaści» na pieradapošnich vybarach u parłamient Łatvii nabrała 7% hałasoŭ i mieła 10 sa 100 miescaŭ u Siejmie. Zaraz jana ŭ parłamient nie prajšła.
Alaksiej Roślikaŭ atrymaŭ šyrokuju viadomaść za miežami Łatvii ŭ červieni 2025 hoda, kali, budučy deputatam Siejma, na adnym z pasiadžeńniaŭ pa-rusku zajaviŭ: «Nas bolš, i ruskaja mova — naša mova», a taksama pakazaŭ nieprystojny žest.
Paśla hetaha na jaho zaviali kryminalnuju spravu — za raspalvańnie nacyjanalnaj varožaści». Roślikaŭ znachodziŭsia pad padpiskaj ab niavyjeździe.
U krasaviku Roślikaŭ z dazvołu ŭładaŭ vyjechaŭ na try dni ŭ Šviejcaryju, adnak zamiest viartańnia ŭ Łatviju źjechaŭ u Biełaruś, dzie staŭ zorkaj praŭładnaha efiru.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary
Miascovuju "stabilnaść" lepš za ŭsio nazirać z boku. :D