Dziaŭčyna padsieła ŭ druhi aŭtobus u čarzie i prajšła miažu Polščy ź Biełaruśsiu ŭsiaho za paŭsutak
Biełaruska raskazała, jak jana razam ź siabroŭkaj pierasiakała miažu pamiž Polščaj i Biełaruśsiu nočču z 14 na 15 lipienia 2025 hoda. Dziaŭčaty padsieli ŭ druhi aŭtobus u čarzie i zmahli prajechać miažu za 12 hadzin, što mnohija ličać vialikim pośpiecham — u inšych hety praces zajmaŭ značna bolš času, piša BG.Media.
Dziaŭčaty dajechali z Varšavy da pamiežnaha Terespala ciahnikom — heta chutčej i tańniej, čym aŭtobusam. Kvitok kaštavaŭ 58 złotych (kala 44 biełaruskich rubloŭ). Na vakzale ich sustreli taksisty, jakija za 10 złotych (prykładna 7,5 rubla) advieźli ich da pamiežnaha punkta «Terespal».
Tam užo stajali bolš za 30 aŭtobusaŭ, ale dziaŭčaty zmahli padsieści ŭ druhi aŭtobus ad šłahbauma. Za heta zapłacili 190 złotych (kala 150 biełaruskich rubloŭ).
Uvieś šlach ad pasadki da vyjezdu z punktu «Brest» zaniaŭ u ich prykładna 12 hadzin.
Hety čas raźmiarkoŭvaŭsia tak:
- U Terespal aŭtobus zajechaŭ u 01:43.
- U 04:00 prajšli polski kantrol.
- U 09:17 trapili da biełaruskich pamiežnikaŭ.
- U 10:30 prajšli pravierku.
- U 11:52 vyjechali z «Bresta».
Vydatki na čałavieka ŭ ahulnym vyniku skłali 258 złotych (kala 197 rubloŭ).
U kamientarach pad videa ludzi dzielacca svaim ułasnym vopytam i adznačajuć, što 12 hadzin — heta jašče chutka. Niekatoryja čakali i pa 20, i 25, a to i pa 37 hadzin. Adna žančyna raskazała, što z maleńkim dziciom jechała z Poznani da Hrodna 25 hadzin.
Inšyja ŭzhadali, jak aŭtobus zatrymali z-za taho, što ŭ adnaho pasažyra znajšli zabaronienyja rečy — pryjšłosia čakać milicyju i prachodzić pravierki jašče 7 hadzin.
Aŭtobus Varšava — Minsk budzie adpraŭlacca z čatyrochhadzinnym spaźnieńniem, Vilnia — Minsk — ź piacihadzinnym
Biełaruskija mytniki adkazali na skarhi adnosna doŭhaha afarmleńnia na miažy
«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES
«Takaja praca dyskredytuje biaźvizavy režym». Biełarusy śćviardžajuć, što praca biełaruskich mytnikaŭ haniebnaja dla krainy
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary