Prakuratura pravodzić pravierku adnosna žorstkaha abychodžańnia ź dziećmi ŭ mahiloŭskim dziciačym sadku
U adnym ź dziciačych sadkoŭ Mahilova zafiksavali vypadki žorstkaha abychodžańnia ź dziećmi, što trapiła na videa i šyroka razyšłosia ŭ sacyjalnych sietkach. Na kadrach bačna, jak supracoŭnica sadka vykarystoŭvaje «niepiedahahičnyja mietady» — naprykład, raściraje dziciaci tvar piaskom. Adnosna hetaha incydentu vykazalisia i ŭ miascovaj prakuratury.
Namieśnik načalnika adździeła prakuratury Mahiloŭskaj vobłaści Dzianis Chmialkoŭ paviedamiŭ, što videa vyjavili padčas manitorynhu internetu. Na jaho padstavie byli praviedzienyja pravieračnyja mierapryjemstvy.
Padčas pravierki vyśvietlili, što «ździajśniała ŭ dačynieńni da małaletnich hrubyja i niedapuščalnyja dziejańni» pamočnica vychavalnicy dziciačaha sadka.
U vyniku prakuratura raspačała dyscyplinarnuju vytvorčaść ŭ dačynieńni da jak pamočnicy vychavalnicy, tak i samoj vychavalnicy. Akramia taho, Kastryčnicki RAUS Mahilova viadzie dasudovuju pravierku, kab vyznačyć, ci jość padstavy dla kryminalnaj adkaznaści. Chod pravierki prakuratura trymaje na kantroli.
Kamientary