Niekalki byłych zapravak «Trajpła» papoŭnili sietku AZS A‑100. Adna ź ich — na vulicy Płatonava ŭ Minsku — užo pracuje, a jašče dźvie rychtujucca da adkryćcia ŭ Ivacevickim rajonie, piša Office Life.
Što tyčycca zapraŭki ŭ Minsku, jana naležała kampanii Juryja Čyža «NaftaChimTrejdynh», jakaja abviaściła bankructva, i da zakryćcia pracavała pad brendam «Ros‑VTS». Siońnia jana ŭžo ŭkazanaja na sajcie sietki A‑100 jak dziejnaja. Darečy, heta AZS pracuje ŭ režymie samaabsłuhoŭvańnia.
Upieršyniu hetuju AZS vystavili na tarhi ŭ listapadzie 2024 hoda sa startavaj canoj bolš za 1,3 młn rubloŭ. Zatym cana nieadnarazova panižałasia, i ŭ vyniku zapraŭku nabyli na tarhach amal za 476,5 tys. rubloŭ.
Dźvie zapraŭki na 177‑m kiłamietry trasy M‑1 pradavalisia daŭžej. Paśla bankructva «NaftaChimTrejdynha» ich ułaśnikam staŭ Bank VTB (Biełaruś). Pakolki jany raźmieščany praktyčna pobač, ich vystavili na tarhi adnym łotam. Spačatku — za bolš jak 6 młn rubloŭ, potym cana była panižana prykładna da 4,2 młn.
Hetyja abjekty pakul adsutničajuć na sajcie A‑100, ale jany ŭžo aformleny ŭ firmovym styli i z łahatypami sietki. Data adkryćcia pakul nieviadomaja. Pryčym hetyja AZS davoli doŭha prastajali biez pracy i, vierahodna, patrabujuć značnych kapitałaŭkładańniaŭ.
Cikava, što dahetul sietka A‑100 pašyrałasia pieravažna ŭ haradach ci kala ich. Zapraŭki na M‑1 stanuć vyklučeńniem z hetaha praviła.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ28
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary