19 lipienia niamieckija pamiežniki zatrymali 37-hadovaha hramadzianina Biełarusi na trasie kala horada Hiorlic, pobač z polska-niamieckaj miažoj. Padčas pravierki vyśvietliłasia, što jon znachodzicca ŭ Hiermanii ŭ vyšuku pa spravie ab kradziažy.

Fota ilustracyjnaje
Jak paviedamlajecca, u sakaviku minułaha hoda prakuratura ŭ horadzie Karłsrue vydała order na aryšt mužčyny, bo jon nie vypłaciŭ štraf, pryznačany sudom horada Pforcchajm.
Na miažy biełarus apłaciŭ praterminavany štraf i sudovyja vydatki ŭ pamiery 377,5 jeŭra, paśla čaho jamu dazvolili praciahnuć padarožža.
Kamientary