Ryanair płanuje dapłačvać supracoŭnikam za vyjaŭleńnie niehabarytnaj ručnoj pakłažy
Ryanair płanuje pavialičyć bonusy supracoŭnikam za vyjaŭleńnie niehabarytnaj ručnoj pakłažy, kab, jak śćviardžajuć u kampanii, zmahacca z zatrymkami padčas pasadki i parušalnikami praviłaŭ. Na hetym fonie Ryanair paviedamiła pra rost prybytku ŭ druhim kvartale da €820 młn, piša Bi-bi-si.
Kiraŭnik Ryanair Majkł O'Liry zajaviŭ, što avijakampanija razhladaje mahčymaść pavieličeńnia bonusu, jaki vypłačvajecca supracoŭnikam za vyjaŭleńnie pasažyraŭ ź niehabarytnaj ručnoj pakłažaj.
Na dadzieny momant piersanał atrymlivaje €1,50 za kožnaha klijenta, jaki sprabuje pranieści na bort sumku, što pieravyšaje dazvolenyja habaryty.
«My poŭnyja rašučaści likvidavać prablemu niehabarytnych sumak, jakija zatrymlivajuć pasadku i niespraviadlivyja ŭ dačynieńni da bolš čym 99% našych pasažyraŭ, što vykonvajuć praviły pravozu bahažu», — havorycca ŭ zajavie Ryanair.
Vystupajučy ŭ efiry irłandskaj radyjoprahramy Morning Ireland na RTÉ, O'Liry paviedamiŭ: «My padumvajem pavialičyć hety bonus», kab skaracić kolkaść vypadkaŭ pravozu bujnahabarytnaha bahažu. Pavodle dadzienych avijakampanii, zbor za pieravyšeńnie pamieraŭ bahažu płacić tolki niaznačnaja kolkaść pasažyraŭ.
«Naša paviedamleńnie hetym 0,1% prostaje: kali łaska, vykonvajcie našy ščodryja praviły pa pravozu bahažu — inakš budziecie płacić na rehistracyi ci kala vychadu na pasadku», — adznačaje Ryanair.
O'Liry dadaŭ, što avijakampanija ŭžo sutykajecca ź ciažkaściami z-za vialikaj kolkaści bahažu na borcie. «Voś čamu my nastolki rašuča zmahajemsia z prablemaj lišniaha bahažu ŭ pasažyraŭ», — skazaŭ jon.
Kiraŭnik kampanii padkreśliŭ, što bolš za 99,9% pasažyraŭ vykonvajuć praviły, i nahadaŭ pra najaŭnaść u aeraportach śpiecyjalnych pryład dla vymiareńnia habarytaŭ ručnoj kłažy.
«My hatovyja dzialicca z našymi supracoŭnikami častkaj dachodaŭ ad zboraŭ za pieravyšeńnie normaŭ — choć spadziajomsia, što ŭ najbližejšyja hod-dva takija vypadki buduć sustrakacca ŭsio radziej», — zajaviŭ jon. Pasažyry Ryanair mohuć zapłacić da €75, kali pryniesienaja sumka pieravyšaje apłočany pamier.
Zaraz avijakampanija dazvalaje brać z saboj adnu nievialikuju sumku pamieram da 40×20×25 sm i vahoj da 10 kh. Adnak u suviazi z uviadzieńniem novych standartaŭ ES dapuščalny pamier źmienicca da 40×30×20 sm.
Pry braniravańni biletaŭ klijenty zhadžajucca z ustanoŭlenymi pamierami i ŭmovami, ale mohuć i apłacić pravoz dadatkovaha bahažu.
Zajavy O'Liry prahučali na fonie rostu prybytku Ryanair za pieryjad z krasavika pa červień: čysty prybytak kampanii vyras da €820 młn u paraŭnańni z €360 młn hodam raniej. Hetamu spryjali rańni Vialikdzień i pavyšeńnie taryfaŭ.
O'Liry adznačyŭ, što letnija taryfy Ryanair zastanucca ŭ siarednim na ŭzroŭni 2023 hoda, ale avijakampanija zmoža pavysić rentabielnaść dziakujučy «kantrolu vydatkaŭ».
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary