Asudžany za «Hajun» da chimii brat Ihara Łosika ŭciok ź Biełarusi
Palitviazień Mikita Łosik, jakoha 8 lipienia asudzili na 3 hady «chimii» pa spravie «Biełaruskaha Hajuna», pakinuŭ Biełaruś, paviedamiŭ Fond salidarnaści «Bajsoł».

26-hadovaha Mikitu Łosika zatrymali ŭ Oršy ŭ pačatku krasavika 2025 hoda. Pryčynaj zatrymańnia stała tak zvanaja sprava «Biełaruskaha Hajuna».
Łosika abvinavacili pavodle artykuła 361.4 (sadziejničańnie ekstremisckaj dziejnaści). Pavodle viersii śledstva, Mikita Łosik u lutym 2022 hoda dasłaŭ u telehram-kanał niekalki fotazdymkaŭ rasijskaj vajskovaj techniki, jakaja jechała praz Oršu.
Paśla abviaščeńnia prysudu Mikitu Łosika vyzvalili ŭ zale suda. Prysud mieŭ ustupić u zakonnuju siłu praz 10 dzion, ale jon nie staŭ čakać hetaha momantu i vyjechaŭ ź Biełarusi.
Ciapier na jaho karyść abjaŭleny zbor.
Mikita — małodšy brat palitviaźnia Ihara Łosika, asudžanaha na 15 hadoŭ pazbaŭleńnia voli. Ihar Łosik znachodzicca za kratami ŭžo bolš za piać hadoŭ.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Kamientary