Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro
U Charkavie paciarpieli piaciora čałaviek, siarod ich — troje vyratavalnikaŭ. Taksama akupanty ŭdaryli pa Źmijevie i Zaparožskaj vobłaści, u vyniku čaho jość zahinułyja i paranienyja, piša UNIAN.
U noč na 26 lipienia Charkaŭ amal try hadziny znachodziŭsia pad masiravanaj kambinavanaj atakaj. Pra heta paviedamiŭ mer horada Ihar Cierachaŭ.
«Vorah vykarystaŭ adrazu niekalki typaŭ uzbrajeńnia — kiravanyja avijabomby, balistyčnyja rakiety i drony-kamikadze», — udakładniŭ jon.
Papiarednie zafiksavana 4 udary kiravanymi avijabombami, 2 udary balistyčnymi rakietami i kala 15 atak šachiedami.
Paškodžany žyllovyja šmatpaviarchoviki, cyvilnaje pradpryjemstva, darohi, kantaktnaja sietka.
«Paciarpieli piaciora čałaviek. Siarod ich — troje vyratavalnikaŭ. Jany atrymali ranieńni ŭžo paśla pieršaha prylotu — padčas paŭtornaha ŭdaru. Vorah celić pa tych, chto ratuje i likviduje nastupstvy bambardzirovak. Heta ŭ čystym vyhladzie teraryzm», — padkreśliŭ Cierachaŭ.
Jak dadaŭ kiraŭnik Charkaŭskaj abłasnoj vajskovaj administracyi Aleh Siniahubaŭ, akupanty taksama ŭdaryli pa horadzie Źmijeŭ, u vyniku čaho ranieńnie atrymaŭ 50-hadovy mužčyna.
«Jaho špitalizavali. Na hety momant kolkaść paciarpiełych pavialičyłasia da troch čałaviek», — adznačyŭ kiraŭnik AVA.
«U noč suprać 26 lipienia rasijanie ździejśnili masiravanuju kambinavanuju ataku na Dniapro i vobłaść, dvoje zahinułych, 5 paciarpiełych, uźnikli pažary, šmat paškodžańniaŭ», — paviedamiŭ načalnik Dnieprapiatroŭskaj AVA Siarhiej Łysak.
«Strašnaja noč. Masiravanaja kambinavanaja ataka na vobłaść. Papiarednie, 7 rakiet i 26 BpŁA abaroncy nieba źbili. Na žal, jość i traplańni».
«Zburany šmatpaviarchovik. Paškodžanyja pramysłovyja pradpryjemstvy. Uźnikli pažary. U pryvatnaści, i na parkoŭcy — zaharelisia aŭto», — dadaŭ jon.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary