«Bolš hladzicie biełaruskaje telebačańnie». Čynoŭnik ź Miniusta adkazaŭ na zakłapočanaść umovami ŭtrymańnia palitviaźniaŭ
Nastaŭnica i błohierka Volha Pavuk patelefanavała načalniku hałoŭnaha ŭpraŭleńnia prymusovaha vykanańnia Ministerstva justycyi Siarhieju Nikielu i zapytałasia ŭ jaho, ci spraviadliva toje, što palitźniavolenyja ŭ izalatarach utrymlivajucca ŭ našmat horšych umovach, čym zabojcy. U adkaz toj parekamiendavaŭ joj hladzieć BT i źviarnuŭ uvahu, što miežy krainy adkrytyja.
Žančyna pradstaviłasia svajačkaj čałavieka, jaki niadaŭna adbyŭ administracyjnaje pakarańnie pa palityčnych matyvach i skardziŭsia na nievynosnyja ŭmovy ŭtrymańnia. Jana pacikaviłasia ŭ Siarhieja Nikiela, da kaho treba źviartacca, kab hetyja ŭmovy palepšylisia.
Siarhiej Nikiel na heta adkazaŭ, što hramadzianam treba pierahledzieć «ideałahičnyja padychody ŭnutry siabie» i «stavicca da dziaržavy z hramadzianskim doŭham». Maŭlaŭ, ludzi atrymlivajuć ad dziaržavy dabroty, a paśla hetuju dziaržavu beściać dy jašče skardziacca na niejkija pryciaśnieńni.
Kali Volha Pavuk źviarnuła ŭvahu, što ŭ ludziej, zatrymanych za zabojstvy i inšyja ciažkija złačynstvy, umovy značna lepšyja, čynoŭnik vykazaŭ zdahadku, što žančyna «načytałasia ekstremisckich kanałaŭ, kali vyrašyła zadać heta pytańnie».
Paniaćcia ž «palitźniavoleny» ŭ Biełarusi, maŭlaŭ, niama, jaho «prydumali našyja ideałahičnyja sapierniki i praciŭniki, jakija ŭsialak zaminajuć biełarusam žyć». Volhu Pavuk jon nazvaŭ ichnim «instrumientam upłyvu». Zvanok ža jaje byŭ nibyta vyklikany namieram «spravakavać situacyju».
Na pytańnie, chto jana i čym zajmajecca, Pavuk adkazała, što jana pryvatnaja vykładčyca anhlijskaj movy, na što Siarhiej Nikiel adkazaŭ, što «pad pytańniem, chto vy i što vy». Paśla čaho parekamiendavaŭ «mienš hladzieć ekstremisckich kanałaŭ i bolš hladzieć biełaruskaje telebačańnie». Kali ž žančynie niešta nie padabajecca, to «ŭ nas miežy adkrytyja, pajedźcie tudy, dzie ščaście i radaść».
Siłaviki źniali videa z baćkami Andreja Pavuka
Andrej Pavuk pryjšoŭ na prajd u Vilni ŭ formie milicyjanta z čyrvona-zialonym ściaham. Čamu?
«Azaronak — vydatny žurnalist». Namieśnik ministra infarmacyi prakamientavaŭ strymy Azaronka
Pavuk pajechaŭ da rasijskaha pasolstva ŭ Vilni. Tam u jaho ściahnuli viełasipied i pačalisia razborki
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary
i čiem vy cienzuroj ot sovbielii tohda otličajetieś?