Indyjskija dziaržaŭnyja naftapierapracoŭčyja zavody prypynili zakupku rasijskaj nafty paśla pahroz z boku Donalda Trampa, paviedamlaje ahienctva Reuters sa spasyłkaj na svaje krynicy.
Havorka idzie pra zavody, jakija naležać dziaržavie: Indian Oil, Hindustan Petroleum, Bharat Petroleum i Mangalore Refinery Petrochemical. Jany pierastali nabyvać rasijskuju naftu jašče na minułym tydni. Zamiest jaje pačali pastupać pastaŭki z Abu-Dabi i afrykanskich krain.
Hetyja dziaržaŭnyja pradpryjemstvy zajmajuć bolš za 60% ad usich mahutnaściaŭ naftapierapracoŭki ŭ Indyi. Adnak pryvatnyja kampanii, jak Reliance Industries i Nayara Energy, jakija źjaŭlajucca najbujniejšymi pakupnikami rasijskaj nafty ŭ Indyi, pakul jaje zakupki nie spynili.
Adna z pryčyn hetaha rašeńnia — pahrozy Trampa ŭvieści 100-pracentnyja myty na naftu dla krain, jakija praciahvajuć jaje kuplać u Rasii. Akramia taho, pastaŭščyki z Rasii skaracili źnižki, što taksama paŭpłyvała na rašeńnie indyjskaha boku.
Indyja — treci ŭ śviecie spažyviec nafty i samy bujny imparcior rasijskaj nafty, jakaja pastupaje tudy pa mory.
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary
Varta pamiatać, Jak skazaŭ Majkł Rejhan: Ronald Rejhan zrynuŭ Balšavickuju imperyju — biaz strełu. Jahonaja klučavaja zbroja? Nafta. "Jon zrabiŭ heta biaz strełu, jak my viedajem, ale ŭ jaho była superzbroja — nafta."