Bijatłanistka Dzinara Smolskaja (Alimbiekava) stała achviaraj padmanu ŭ instahramie. U vyniku zastałasia biez kvietak, hrošaj i z sapsavanym nastrojem.
Dzinara raspaviała pra niepryjemny vypadak na svajoj staroncy. Niekalki dzion tamu spartoŭka chacieła paradavać kahości ŭ Sankt-Pieciarburhu kvietkami. Jana znajšła ŭ instahramie akaŭnt niejkaj kvietkavaj kramy, jakaja prapanoŭvała dastaŭku pryhožych bukietaŭ pa hetym horadzie. Abrała varyjant, jaki spadabaŭsia, apłaciła jaho…
Kvietki kampanija pa nazvanamu adrasu nie pryviezła, na paviedamleńni i telefanavańni adkazvać pierastała, a sama Dzinara ŭ niejki momant zrazumieła, što toj akaŭnt dadaŭ jaje ŭ čorny śpis — tamu jana navat tehnuć niadobrasumlennych ludziej nie moža.
Staronka kramy cvety_piter_spb isnuje ź vieraśnia 2024 hoda. Tam šmat pryhožych zdymkaŭ i 22,5 tysiačy padpisčykaŭ. Ale, što dziŭna, pad fota (jakija majuć sotni łajkaŭ) niama kamientaryjaŭ — a kali jany źjaŭlajucca, admin ich chutka vydalaje (navat kali heta było prostaje: «Vielmi padabajecca, jak zamović?»).
Kali pašukać pa imieni akaŭnta vodhuki ŭ internecie, dyk možna znajści niehatyŭnyja vodhuki na instahram-kramu amal z takoj samaj nazvaj — cvety_piter.spb. Ludzi raspaviadajuć pra anałahičnyja vypadki za 2022-2023 hady.
Dzinara ž papiaredžvaje svaich padpisčykaŭ pra niebiaśpieku i prosić skardzicca na staronku kvietkavaj kramy.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu4
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary