Žychary pryvatnaha doma ŭ Minsku niezadavolenyja budaŭnictvam ŽK «Utulny». «Minskbud» prakamientavaŭ
U rajonie vulicy Padlesnaj i Dačnaha prajezdu razharnułasia budoŭla šmatkvaternaha doma ŽK «Utulny». Adnak zadavolenyja hetym pracesam nie ŭsie, piša ahienctva «Minsk-Naviny».
Žychary doma pa adrasie Dača, 1 niezadavolenyja susiedstvam z budoŭlaj. Jany z 2023 hoda nieadnarazova skardzilisia: spačatku — što ich nie papiaredzili pra pačatak rabot, paśla — na paškodžańnie trub i darohi, načny šum i navat na toje, što strała budaŭničaha krana nibyta navisaje nad ich domam.
U «Minskbudzie» na heta paviedamili, što ŭsie skarhi byli razhledžanyja, niekatoryja navat rasśledavanyja, ale abjektyŭnych padstaŭ dla abvinavačańniaŭ nie znajšli.
Naprykład, žychary skardzilisia, što ŭ ścienach ich doma z-za budaŭnictva źjavilisia raskoliny. «Minskbud», adnak, śćviardžaje, što jany źjavilisia praź niejakasnaje azdableńnie samoha doma, a nie z-za budaŭnictva pobač. Da taho ž žychary nibyta admaŭlalisia dapuścić ekśpiertaŭ u dom dla abśledavańnia.
Što da strały krana, to ŭ «Minskstroi» adznačyli: jaje radyus nie zakranaje dom, a sistema biaśpieki nie dazvalaje pieramiaščać hruz za miežy placoŭki.
Šumnyja raboty pravodziacca da 22:00, a viečaram — tolki tyja, što nie parušajuć cišyniu. Daroha da budoŭli prachodzić za 10 mietraŭ ad doma i abharodžanaja, što adpaviadaje normam.
Što da vadapravoda, to jon nibyta nie byŭ paškodžany, a voś nievialiki incydent z hazapravodam u 2023 hodzie sapraŭdy adbyŭsia, ale jaho chutka likvidavali.
U «Minskbudzie» padkreślivajuć: prajekt atrymaŭ usie nieabchodnyja dazvoły i prajšoŭ ekśpiertyzu. Bolšaść žycharoŭ rajona nie vykazvaje pretenzij, a budaŭnictva — źjava časovaja i niepaźbiežnaja dla haradskoha žyćcia.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary
I akuratna budaŭnictva ŭ nas nikoli nie idzie.
> "Primiečatielno, čto ot žilcov druhich častnych domov žałob nie postupało.
...no v usłovijach horodskoj čierty eto nieiźbiežno, i, k sčasťju, vriemienno.
Vmiestie s tiem poślednije [žilcy doma] v adries zakazčika i druhije hosorhany riehularno napravlajut začastuju nieobosnovannyje žałoby."
Kłasičnaje taksičnaje brudnaje demahahičnaje ad savieckaj presy ŭsich časoŭ.
Maŭlaŭ, tolki vy skardziciesia, značyć, prablema ŭ vas. Taki pierachod na asobu ad savieckaha chama-čynoŭnika abo chama-žurnalista.
Nie viedaju, navošta heta amal dasłoŭna pieradrukoŭvać, biez kantekstu i pohladu ludziej. Pieradača tolki pazicyi ŭłady ŭ takich vypadkach ekvivalentna pracy filijałam savpresy.