Miadźviedzieŭ prykusiŭ jazyk paśla rašeńnia Trampa adpravić da Rasii jadziernyja padłodki
Były prezident Rasii niečakana zamaŭčaŭ u sacyjalnych sietkach paśla taho, jak prezident ZŠA abviaściŭ pra pierakidańnie da Rasii jadziernych padłodak u adkaz na pahrozy Miadźviedzieva zadziejničać «Miortvuju ruku» — sistemu jadziernaha ŭdaru ŭ adkaz, stvoranuju ŭ časy SSSR, piša The Moscow Times.
Raniej nie saromiejučysia ŭ vykazvańniach i staŭšy hałoŭnym ahučvalnikam ahresiŭnaj rytoryki Kramla, Miadźviedzieŭ nie apublikavaŭ nivodnaha pasta ŭ svaim Telegram‑kanale z 31 lipienia.
Tady jon pahraziŭ Trampu jadziernaj vajnoj i «chadziačymi mierćviakami» ŭ adkaz na zajavy pra «miortvuju ekanomiku» Indyi i Rasii. Zamaŭčali taksama akaŭnty Miadźviedzieva ŭ X jak na rasijskaj, tak i na anhlijskaj movach.
U adkaz na pasty Miadźviedzieva Tramp spačatku prapanavaŭ jamu «sačyć za słovami», a potym abviaściŭ pra raźmiaščeńnie dźviuch padłodak fłota ZŠA ŭ «adpaviednych rajonach», kab «abaranić» amierykanski narod.
Paźniej Tramp udakładniŭ, što adpraviŭ submaryny bližej da Rasii, i zajaviŭ, što ZŠA «całkam hatovyja» da jadziernaj vajny. «Pahroza prahučała, i my paličyli jaje niedarečnaj», — skazaŭ Tramp.
Mahčyma, Miadźviedzieŭ zaraz u «šoku», ličyć palitołah Abas Halamaŭ: «Jon užo daŭno advučyŭsia ad taho, što słovy mohuć mieć nastupstvy. Žyćcio ŭ takim režymie advučyła jaho ad hetaha».
Choć Tramp nie ŭdakładniŭ, pra jakija padłodki idzie havorka, chutčej za ŭsio havorka pra stratehičnyja submaryny kłasa Ohio, miarkuje vajskovy ekśpiert Juryj Fiodaraŭ.
«Na kožnym (takim) rakietanoscy jość 24 puskavyja ŭstanoŭki rakiet Trident. A na kožnaj rakiecie Trident jość 8 bajavych hałovak. Pryblizna 100‑kiłatonnaj mahutnaści», — raspaviadaje Fiodaraŭ. Takim čynam, dźvie nazvanyja Trampam padłodki niasuć bolš za 350 bajavych hałoŭ. Jany zdolnyja całkam źniščyć jeŭrapiejskuju terytoryju Rasii, a taksama haru Jamantaŭ, dzie znachodzicca štab «Miortvaj ruki», jakoj pahražaŭ Miadźviedzieŭ Trampu, adznačaje Fiodaraŭ.
Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu
Tramp nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami
U adkaz na bałbatniu Miadźviedzieva Tramp zahadaŭ pieramiaścić jadziernyja padvodnyja łodki
Tramp pałochaje Maskvu atamnymi padłodkami — ekśpierty bajacca novaha Karybskaha kryzisu
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary