Prezident ZŠA Donald Tramp abviaściŭ pra namier istotna pavysić mytnyja pošliny na tavary ź Indyi. Pavodle jaho słoŭ, pryčynaj stała toje, što Indyja praciahvaje kuplać rasijskuju naftu i navat pierapradaje jaje na suśvietnym rynku z prybytkam. Jon adznačyŭ, što takim čynam Indyja ŭskosna padtrymlivaje kanflikt va Ukrainie.
«Indyja nie tolki kuplaje vielizarnyja abjomy rasijskaj nafty, ale taksama dla značnaj častki nabytaj nafty pradaje jaje na adkrytym rynku ź vialikim prybytkam. […] Praz heta ja istotna pavialiču taryf, jaki Indyja płacić ZŠA», — napisaŭ Donald Tramp u sacyjalnaj sietcy Truth Social, dadaŭšy, što Indyju nie chvaluje kolkaść zahinułych va Ukrainie.
U kancy lipienia Tramp abviaściŭ pra płany ŭvieści 25-pracentnyja pošliny na indyjskija tavary i mahčymyja sankcyi za zakupku rasijskich enierharesursaŭ i ŭzbrajeńnia. Indyjski bok adkazaŭ, što hatovy da dalejšych pieramoŭ, ale budzie adstojvać svaje ekanamičnyja intaresy.
Z 1 žniŭnia ŭ ZŠA pačała dziejničać novaja taryfnaja sistema, ustanoŭlenaja administracyjaj Trampa. Jana zakranaje pastaŭki z 69 krain i praduhledžvaje pošliny ad 10% da 41%. Dla Indyi pakul dziejničaje siaredni ŭzrovień — 25%.
2 žniŭnia Tramp zajaviŭ, što ZŠA atrymali sihnały pra mahčymaje spynieńnie Indyjaj zakupak rasijskaj nafty. Adnak, pavodle infarmacyi Bloomberg, urad Indyi nie vydavaŭ nijakich aficyjnych instrukcyj na hety kont. Indyjskija naftavyja kampanii samastojna vyrašajuć, u kaho zakupać syravinu, zychodziačy z kamiercyjnych intaresaŭ.
Indyja — treci najbujniejšy spažyviec nafty ŭ śviecie i značnuju jaje častku impartuje. Na rasijskuju naftu prypadaje kala 35—40% usiaho impartu nafty ŭ krainu. Tannyja pastaŭki z Rasii dapamahajuć Indyi źmianšać vydatki, strymlivać rost cenaŭ i inflacyju.
Ministr nafty i hazu Indyi Chardyp Sinhch Pury u intervju rasijskamu ahienctvu TASS adznačaŭ, što enierhietyčnaje partniorstva z Rasijaj zastajecca mocnym i praciahvaje raźvivacca, niahledziačy na hłabalnuju niestabilnaść.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary