Na fonie nierealnaj čarhi na vyjezd u Polšču Pamiežny kamitet zaklikaje vybirać alternatyŭnyja šlachi vyjezdu
Pa stanie na 14:00 subotu na polskaj miažy na pierachodzie «Brest» stajali 110 aŭtobusaŭ i 4110 lehkavych aŭtamabilaŭ. Heta źjaŭlajecca absalutnym rekordam, pryčym navat 3000 aŭto nikoli nie było da hetaha tydnia.
Dziaržaŭny pamiežny kamitet śćviardžaje, što za sutki polski bok jašče bolš zamarudziŭ propusk aŭtamabilaŭ na svaju terytoryju. Polskija kantrolnyja słužby aformili tolki 320 z 1700 aŭto, a taksama 50 z 175 aŭtobusaŭ pavodle ŭstalavanych dvuma bakami normaŭ propusku transpartu. Naprykład, učora ranicaj było 3500 aŭtamabilaŭ, a siońnia nočču stała bolš za 4000.
DPK raić abirać alternatyŭnyja šlachi vyjezdu. Pahranpierachod «Brest» — adziny pierachod dla lehkavych aŭtamabilaŭ i aŭtobusaŭ na miažy z Polščaj paśla zakryćcia «Kuźnicy» i «Bierastavicy».
Jość dva pierachody na miažy ź Litvoj, čerhi na vyjezd tam taksama padraśli, u tym liku paśla admieny amal pałovy aŭtobusnych rejsaŭ.
Tak pa stanie na 14:00 suboty na pierachodzie «Bieniakoni» stajać 150 lehkavych aŭtamabilaŭ, u «Kamiennym Łohu» — 140. Čerhaŭ z aŭtobusaŭ niama.
Na łatvijskaj miažy ŭ Hryharaŭščynie čerhaŭ niama.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior7
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary
I nijak takaja izalacyja nie dapamahaje biaśpieki. Byśpiečna li kala Paŭnočnaj Karei, Rasii ci Iranu?
Tydzień biełarusy čakajuć, razumiejecie? Nakolki jany ŭsie roŭna imknucca ŭ Eŭropu.
A kali nie zmohuć biełarusy jechać praz Teriespal? Pajeduć praz Maskvu, potym praz Stambuł, padtrymajuć Aerafłot. Usie namahańni Kibierpartyzanaŭ buduć marnymi. Pahladziać na ZV simbały, chtości pajdzie pa kantraktu...
I mety sankcyj nie pracujuć: ludzi ŭ čerhach nie złujucca na režim, a złujucca na marudnych palakaŭ i litoŭcaŭ.
Prapanhadysty praciahvajuć adpačyvać u EZ, sadysty atrymlivajuć pasparty ŭ EZ.
Navošta heta rabić?