Prezident Ukrainy Uładzimir Zialenski prybyŭ ź vizitam u Vašynhton, dzie zapłanavana jaho sustreča z prezidentam ZŠA Donaldam Trampam. U pieramovach taksama prymuć udzieł jeŭrapiejskija lidary.
U svaim paviedamleńni ŭ telehram-kanale Zialenski padziakavaŭ Trampu za zaprašeńnie i padkreśliŭ, što imkniecca jak maha chutčej skončyć vajnu. Ale, na jaho dumku, u pieršuju čarhu spynić jaje pavinna Rasija.
«My ŭsie adnolkava chočam chutka i nadziejna skončyć hetuju vajnu. I mir pavinien być praciahłym. Nie tak, jak heta było hady tamu, kali Ukrainu prymusili addać Krym i častku našaha Uschodu — častku Danbasa, a Pucin vykarystaŭ heta prosta jak płacdarm dla novaha napadu. Ci kali Ukrainie dali nibyta «harantyi biaśpieki» ŭ 1994 hodzie, ale heta nie spracavała», — napisaŭ Zialenski.
«Rasija pavinna skončyć hetuju vajnu, jakuju sama i pačała. I ja spadziajusia, što naša sumiesnaja siła z Amierykaj, z našymi jeŭrapiejskimi siabrami prymusić Rasiju da sapraŭdnaha miru. Dziakuj!» — dadaŭ ukrainski lidar.
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć42
Kamientary
I kali b Zialenski byŭ razumniej, jon by sychodziŭ z taho, što jamu treba zrabić tak, kab Rasieja nie chacieła vajny - a dla hetaha razabracca ź jaje matyvami i damovicca.