Cichanoŭski raskazaŭ, što papraviŭsia na 10 kh, ale pakul maje prablemy sa snom
«Paśla abiedu mianie ŭžo z noh nie valić. Vahu nabraŭ pa-strašnamu».
Ab svaim zdaroŭi i vazie Siarhiej Cichanoŭski raskazaŭ padčas strymu na jutub-kanale «Strana dla žiźni».
«Narešcie pačaŭ adčuvać siabie narmalna. Paśla abiedu mianie ŭžo z noh nie valić. Słabaści ŭžo nie adčuvaju ŭ druhoj pałovie dnia. Vahu nabraŭ pa-strašnamu. Užo dziesiać kiłahram nabraŭ z momantu vyzvaleńnia», — raskazaŭ błohier i z uśmieškaj zaŭvažyŭ, što taki nabor vahi jaho pužaje.
«Voś siońnia dzień naradžeńnia, ja siabie čym-niebudź pabałuju viečaram, i zaŭtra ŭžo pačnu harodninu [jeści]», — paabiacaŭ błohier.
Jak zhadvaje Cichanoŭski, na momant aryštu jon važyŭ 135 kiłahram, paśla vyzvaleńnia — 79 kiłahram. Na praciahu pieršych dzion na voli jaho vaha praciahvała źnižacca:
«Minimalnaja vaha ŭ mianie była 77 kiłahram. Ciapier užo 88. Budu chudzieć».
Pa słovach błohiera, jon maje prablemy sa snom. «Kładusia zvyčajna paśla dziesiaci, ale zvyčajna da 12-ci zasynaju. I voś u čatyry ŭ siarednim plus-minus ja ŭstaju. Heta nienarmalna. Da turmy ja spaŭ vosiem hadzin roŭna. Ciapier čamuści nie mahu».
Adna z pryčyn takoha karotkaha snu, pa słovach Cichanoŭskaha, jaho niervovaje ŭzbudžeńnie.
«Nie mahu [spać] jašče pa toj pryčynie, što ludzi našy ŭ turmach, i ja ŭsio ž pavinien niešta rabiić. Mnie ŭsie kažuć: «Supakojsia. Adpačni. Pryjdzi ŭ siabie». Siabry, ale jany ž tam siadziać u turmie. Ja kali siadzieŭ u turmie, ja chacieŭ, kab vy ruchalisia, kab vy zajmalisia, kab vy zmahalisia za nas. Nu jak možna siadzieć, spać. Ja prosta psichałahična nie mahu».
Jak zaŭvažaje błohier, jon nie viedaje, ci projduć jaho prablemy sa snom, ale pry hetym jon adčuvaje siabie narmalna.
«Nabor vahi pajšoŭ. Dziakuj bohu. Ciapier budu pravilna charčavacca. Ja dumaju, vaha zafiksujecca. Patrochu myšcy pačnuć raści. U turmie ž u asnoŭnym siadziš, choć ja tam i adciskaŭsia, i prysiadaŭ pa 300, pa 500 razoŭ padychodami roznymi, ale myšcy nie raśli. Tam białka nie było zusim».
Pa słovach Cichanoŭskaha, jon užo prapiŭ kurs nieabchodnych tabletak.
«U mianie 19 tabletak było. Ja piŭ zranku, u abied, viečaram. Roznyja. U asnoŭnym, jak mnie potym skazali, heta vitaminy. Tam ža na zamiežnaj movie ŭsio [napisana]. Ja nie razumieju.
Daktary tam hladzieli. Ale heta mianie nie ŭsie daktary pryniali i nie ŭsie pryznačyli. I ja nie zaŭsiody ŭsio svoječasova piŭ. Ciapier u mianie adny vitaminy zastalisia».
Praŭda, jak zaŭvažaje, Cichanoŭski, jamu patrabujecca lačeńnie zuboŭ. «Stamatołah-pratezist mnie skazaŭ, što ad 15 tysiač jeŭra. My dumali, niejkaja tysiača pojdzie. Ad piatnaccaci… (…)
Pakul mnie z zubami nie rabili ničoha. Spadziajusia, što jak-niebudź zrobiać, kali ja paśla Amieryki pryjedu, u listapadzie, moža, pačnu rabić niešta. Moža, da taho času arhanizacyi dapamohuć, jakija palitviaźniam dapamahajuć pa lačeńni. Ja ŭ ich taksama ŭ śpisie».
Kamientary