Zumiery admaŭlajucca ad Spotify i pierachodziać na staryja MP3-płejery
Novaje pakaleńnie nie choča tracić hrošy na płatnuju padpisku dla muzyki i vybiraje zamiest hetaha staryja prajhravalniki, piša Daily Mail.
Zumiery tłumačać pierachod na retra-hadžety cenami na padpisku ŭ sučasnych muzyčnych servisach. U Brytanii adna pryłada za £20 zdajecca im bolš vyhodnaj, čym hadavaja padpiska za £145.
Maładziony zdymajuć pra heta roliki ŭ tyktok — viartańnie da starych praktyk stała sapraŭdnym trendam.
MP3-płejery źjavilisia ŭ 90-ch hadach i nabirali papularnaść na praciahu 2000-ch. Sa źjaŭleńniem mabilnych telefonaŭ heta tendencyja źmianiłasia i papularnaj stała płatnaja padpiska. Ale ciapier maładomu pakaleńniu heta nie padabajecca.
Adna ź dziaŭčyn, što pierajšła na płejery, skazała ŭ roliku:
«Ja nie mahu być adzinaj, chto nie choča apłačvać padpisku na Spotify Premium. Mnie było nialohka z hetaj rekłamaj, ale viedajecie što? Ź mianie chopić.
Ja kupiła sabie MP3-płejer z abjomam pamiaci da 64 HB. Ja mahu raźmiaścić tut 12 000 piesień, ź nieabmiežavanaj kolkaściu prasłuchoŭvańniaŭ, ja mahu vybrać pieśniu, jakuju chaču pasłuchać na hetaj maleńkaj pryładzie, i ja nie płaču 100 dalaraŭ u hod. Dziakuj».
Jaje post sabraŭ bolš za 11 tysiač łajkaŭ, a ŭ kamientaryjach karystalniki pačali dzialicca ŭspaminami pra toje, jak niekali zapisvali dyski i abmieńvalisia płejlistami afłajn.
Niekatoryja karystalniki adznačajuć, što hadžety dapamahajuć im nie tolki sekanomić hrošy, ale i syści ad nadakučlivych ałharytmaŭ Spotify.
Heta adbyvajecca na fonie mody na inšyja fizičnyja nośbity z muzykaj. U 2023 hodzie prodažy viniłu ŭ Vialikabrytanii dasiahnuli rekordu za apošnija 33 hady, CD i kasiety taksama nabirajuć abaroty. Ekśpierty kažuć pra «stomlenaść ad stryminhu»: muzyka ŭsio čaściej padajecca jak ałharytmična vyvierany fon, a słuchačy šukajuć adčuvańnie kantrolu i «fizičnaha vałodańnia» svajoj kalekcyjaj.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
Ajfon im zaminaje. Nie daść zadarma ściahnuć fajły i pasłuchać ich z pamiaci :/