Ukrainski dron vyklikaŭ pažar u lesie pobač z pałacam Pucina ŭ Hielendžyku
Padzieńnie abłomkaŭ drona ŭ noč na čaćvier vyklikała pažar u lesie ŭ rajonie vioski Krynica ŭ Hielendžyku, paviedamili ŭ apierštabie Krasnadarskaha kraju. Heta vioska znachodzicca ŭsiaho za 10 km pa pramoj ad pałaca Uładzimira Pucina na mysie Idakapas, paviedamlaje «Ahienctva».
Paśla padzieńnia abłomkaŭ drona ŭ lesie ŭźnikła try kropki pažaru. Pa-pačatku płošča pažaru składała prykładna 3 tys. kv. m, a potym pavialičyłasia da 7 tys. kv. m, adznačyli ŭ krajevym lasopažarnym centry. Paźniej płošča vyrasła jašče bolš — da 32 tys. kv. m (3,2 ha), raskazali ŭ MNS.
Lasny pažar zabłakavaŭ 23 čałaviek la ŭźbiarežža, raskazali ŭ MNS. Dla vyratavańnia ludziej, pa dadzienych viedamstva, byŭ nakiravany katar Na miesca byŭ nakiravany viertalot MNS, ale jaho pracy pieraškadžaje viecier, paviedamiŭ kiraŭnik Hielendžyka.
Vioska Krynica znachodzicca prykładna ŭaŭ 30 km pa pramoj ad centra Hielendžyka. Pamiž Hielendžykam i Krynicaj (prykładna za 10 km na ŭschod ad vioski) raźmieščany pałac Uładzimira Pucina na mysie Idakapas.
Ataki dronaŭ jašče ŭ minułym hodzie paŭpłyvali na adpačynak prezidenta Rasii. Pucin praktyčna pierastaŭ lotać u Sočy, dzie raniej pravodziŭ značnuju častku viasny i vosieni. Krynica tłumačyła heta stracham kiraŭnika dziaržavy za svajo žyćcio paśla atak bieśpiłotnikaŭ pa abjektach horada. Da sakavika 2024 hoda ŭ Sočy navat źnieśli aficyjnuju rezidencyju prezidenta «Bačaroŭ ručaj».
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary