Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała
«Jak zaŭsiody p*ździać», — tłumačyć biełaruskaja śpiavačka.
Niadaŭna rasijskija ŚMI pačali ździekliva pisać pra toje, što biełaruskaja śpiavačka Ryta Dakota (u 2022 hodzie jana atrymała jašče i rasijski pašpart) pradała svaju nieruchomaść u Rasii na sumu kala $1,75 miljona. Havorka idzie pra niekalki kvater i kamiercyjnaje pamiaškańnie. Źviazvali heta z tym, što niadaŭna artystcy aficyjna zabaranili vystupać u Rasii.
Siońnia Ryta Dakota vyrašyła rastłumačyć situacyju ŭ svaim instahramie. Jana raskazała, što amal z 20 hadoŭ zajmajecca tym, što nabyvaje i pradaje nieruchomaść. A pačałosia ŭsio z 25-mietrovaj adnapakajoŭki ŭ padmaskoŭnych Lubiercach — toj, dzie śpiavačka zapisvała pieśniu «Palčatki».
— Bo pakul adny paśla turaŭ kuplali sumački «Birkin» i lotali džetami ŭ Dubaj (na što taksama mieli prava) — ja ŭsio žyćcio žyvu davoli ścipła, ale inviestuju hrošy ŭ nieruchomaść, kab u majoj siamji ŭsio ŭ žyćci było dobra navat u takija kryzisy jak ciapier.
Dakota pryznałasia, što hanarycca saboj, ale adznačyła, što toj šalonaj sumy hrošaj u nieruchomaści, jakuju ahučyli rasijskija ŚMI, u jaje niama. Ale atrymany ad prodažu prybytak artystka znoŭ inviestuje.
— U našaj siamji zastałasia adna kvatera ŭ Maskvie dla žyćcia (jak tolki možna budzie hrać kancerty, my častku hoda budziem žyć tam, a pakul robim ramont). Ale astatniuju nieruchomaść zachoŭvać na ciapierašnim rynku dla mianie jak dla inviestara nie vyhadna.
Najbolš pierśpiektyŭnym rynkam Ryta Dakota ličyć Bali, dzie ciapier płanuje pabudavać čatyry viły pobač z akijanam: adnu vialikuju dla siabie i try ŭ takim samym styli, ale mienšaha pamieru dla prodažu.
«Čatyry miesiacy nie mahła zapluščyć voka». Ryta Dakota pakazała žudasny pabočny efiekt kaśmietyčnaj apieracyi
Śpiavačka Ryta Dakota vypuskaje kalekcyju darahich kupalnikaŭ z «seksi-praporcyjami»
Śpiavačka Ryta Dakota treci raz śviatkuje viasielle ŭ novaj krainie
«A dzie vaša mama?» Ryta Dakota paviančałasia ŭ Tbilisi
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny36
Kamientary