Paśla sustrečy z Pucinym śpiecsłužby KNDR źniščyli ŭsie ślady Kima Čen Yna: posud zabrali, kresła pradezynfikavali
Paśla sustrečy kiraŭnika KNDR Kima Čen Yna z Uładzimiram Pucinym, jakaja adbyłasia 3 vieraśnia ŭ Piekinie, supracoŭniki paŭnočnakarejskaj delehacyi začyścili ŭsie mahčymyja ślady prysutnaści DNK svajho lidara. Pra heta raspavioŭ žurnalist kramloŭskaha puła Alaksandr Junašeŭ.
Pavodle jaho słoŭ, paśla pieramoŭ supracoŭniki śpiecsłužb zabrali šklanku, ź jakoj piŭ Kim, pracierli kresła i inšyja častki mebli, da jakich jon dakranaŭsia.
Siarhiej Hančaroŭ, hanarovy prezident mižnarodnaj asacyjacyi «Alfa», u kamientary dla SHOT zajaviŭ, što heta pieršy viadomy vypadak, kali śpiecsłužby prymianili praktyku «poŭnaj začystki» śladoŭ lidara dziaržavy.
Pavodle jaho śćviardžeńnia, meta takich dziejańniaŭ — nie dapuścić, kab jakija-niebudź elemienty DNK Kim Čen Yna trapili da zamiežnych śpiecsłužbaŭ. Karejcy ličać, što nielha pakidać ničoha, što mahło b paškodzić u budučyni, miarkuje Hančaroŭ.
Ci vynosili achoŭniki posud Pucina, nie paviedamlajecca. Ale čutki pra žorstki kantrol za bijałahičnymi śladami Pucina, chodziać daŭno.
Francuzskaje vydańnie Paris Match pisała, što prezident RF Uładzimir Pucin padčas vizitaŭ za miažu maje śpiecyjalnaha achoŭnika, jaki źbiraje i dastaŭlaje nazad u Maskvu jaho bijałahičnyja adchody — maču i kał, kab nie dapuścić analizu jaho zdaroŭja zamiežnymi śpiecsłužbami. Pavodle źviestak vydańnia, takaja praktyka dziejničaje jak minimum z 2017 hoda.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary