U Hrodnie zatrymali mužčynu pa padazreńni ŭ tym, što jon tajemna zdymaŭ žančyn u prybiralniach. Haradzieniec papaŭsia ŭ adnym z handlovych centraŭ, paviedamiŭ Departamient achovy MUS.
«Pavodle papiaredniaj infarmacyi, mužčyna pranikaŭ u pamiaškańni žanočych sanvuzłoŭ, dzie tajemna fatahrafavaŭ naviedvalnic», — raspaviali ŭ milicyi.
Na apublikavanym videa supracoŭnik HC kaža, što «voś, mužčyna znoŭ pryjšoŭ», i tamu byŭ vyklikany narad. U milicyi adznačajuć, što spynić dziejańni parušalnika dazvoliła jakraz pilnaść supracoŭnikaŭ achovy handlovaha abjekta. Mužčyna byŭ zatrymany na miescy, jaho dastavili ŭ miascovy RAUS.
«Pa fakcie zdareńnia pravodzicca pravierka dla vyznačeńnia ŭsich abstavinaŭ incydentu. U ciapierašni čas zatrymany źmieščany ŭ izalatar časovaha ŭtrymańnia», — paviedamili ŭ milicyi.
Kamientary