Arhanizacyja pa biaśpiecy i supracoŭnictvie ŭ Jeŭropie (ABSIE) paviedamiła, što Minskaja hrupa i ŭsie źviazanyja ź joj struktury bolš nie isnujuć. Jak udakładniła pres-słužba ABSIE, 30 listapada rabota Minskaha pracesu była aficyjna zavieršana.
Minskaja hrupa była stvorana ŭ 1992 hodzie dla pasiarednictva ŭ vyrašeńni Karabachskaha kanfliktu pamiž Azierbajdžanam i Armienijaj. U jaje ŭvachodzili pradstaŭniki Biełarusi, Hiermanii, Italii, Turcyi, Finlandyi, Šviecyi, Azierbajdžana i Armienii, a sustaršyniami vystupali Rasija, ZŠA i Francyja.
U pres-relizie adznačajecca, što za try dziesiacihodździ hrupa tak i nie zdoleła akazać istotny ŭpłyŭ na vyrašeńnie kanfliktu. Paśla abvastreńnia adnosin pamiž krainami-ŭdzielnicami ŭ 2022 hodzie jana faktyčna spyniła svaju dziejnaść.
Aficyjnaje funkcyjanavańnie hrupy było spyniena jašče 1 vieraśnia 2025 hoda — u adkaz na sumiesny zvarot kiraŭnikoŭ MZS Azierbajdžana i Armienii da dziejnaha staršyni ABSIE.
Taksama spyniena dziejnaść asabistaha pradstaŭnika kiraŭnika ABSIE pa armiana-azierbajdžanskim kanflikcie i Hrupy płanavańnia vysokaha ŭzroŭniu.
Da 1 śniežnia 2025 hoda sakrataryjat ABSIE zaviaršyŭ usie pracedury, źviazanyja z zakryćciom struktur. Raniejšyja rašeńni ABSIE pa pytańniach byłoha armiana-azierbajdžanskaha kanfliktu ciapier ličacca niesapraŭdnymi.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń52
Kamientary