U niadzielu viečaram pavietranaja prastora nad Vilenskim aeraportam była začyniena z-za zafiksavanych kantrabandnych šarykaŭ, što zalacieli ź Biełarusi ŭ Litvu, paviedamiła kiraŭnictva aeraporta ŭ Facebook. Abmiežavańni ŭviali z 18:09, a źniali ŭ 5 hadzin ranicy, piša LRT.
«Abmiežavańni pavietranaj prastory źniatyja a 5‑j ranicy. Usie apieracyi ŭ Vilenskim aeraporcie prachodziać u zvyčajnym režymie», — raskazali Litoŭskija aeraporty (LTOU).
«Pa pieršapačatkovych danych, rašeńnie ab uviadzieńni abmiežavańniaŭ pavietranaj prastory było abumoŭlena navihacyjnymi adznakami, charakternymi dla pavietranych šaroŭ, jakija ruchalisia ŭ napramku Vilniuskaha aeraporta», — havorycca ŭ paviedamleńni aeraporta.
«Važna adznačyć, što rašeńnie pa kankretnym rejsie prymaje avijakampanija. Tamu pasažyram, čyje płany mahli być zakranutyja, varta ŭ pieršuju čarhu kiravacca infarmacyjaj, jakaja dajecca ich avijakampanijaj», — adznačaje aeraport.
Jak raniej paviedamlała BNS, z-za pahrozy nacyjanalnaj biaśpiecy, jakaja ŭźnikła paśla źjaŭleńnia kantrabandnych pavietranych šaroŭ ź Biełarusi, Litoŭskija aeraporty (LTOU) źviarnulisia ŭ Hienieralnuju prakuraturu z prośbaj inicyjavać dasudovaje rasśledavańnie.
Kamientary