Nastaŭnik matematyki i infarmatyki minskaj škoły №54 Rusłan Džamałaŭ adbyvaŭ dziesiacihadovaje pakarańnie pa piedafilskim artykule.
Były palitźniavoleny Vadzim Jermašuk raskazaŭ pra toje, što była zvolniena Darja Łaskaŭniova, načalnica miedčaści babrujskaj kałonii.
Na jaho dumku, pryčynaj stali jak jaho šmatlikija skarhi, tak i śmierć adnaho sa źniavolenych:
«Jak mnie patłumačyŭ tavaryš, paśla ŭsich maich skarhaŭ i zajavaŭ u miedyja ŭ kałoniju pajechali pravierka za pravierkaj. I Łaskaŭniovu jakraz tady i zvolnili. Dadatkova na heta mahła paŭpłyvać śmierć nastaŭnika matematyki i infarmatyki Rusłana Džamałava. Jon, jak i ja, byŭ u «nizkim statusie», ale za čaplańnie da niepaŭnahadovych dziaŭčat. Jaho na zonie ŭsie nienavidzieli i źbivali — navat za toje, što jon kašlaŭ unačy ci chrop. Ja daviedaŭsia, što Džamałaŭ ździekaŭ nie vytrymaŭ, u jaho było słabaje zdaroŭje, tamu jon pamior».
Niezadoŭha da śmierci Džamałaŭ pravioŭ prykładna miesiac u miedčaści, adnak paśla jaho viarnuli ŭ atrad.
Pa słovach Jermašuka, nastaŭnik pamior pa darozie ŭ miedčaść — kali znoŭ prychapiła serca. Vyratavać jaho nie paśpieli.
Rusłan Džamałaŭ naradziŭsia ŭ 1961 hodzie ŭ Taškiencie. U junactvie pierajechaŭ z Uźbiekistana ŭ Biełaruś, na vydatna skončyŭ matematyčny fakultet BDPU imia Maksima Tanka. Pracavaŭ nastaŭnikam matematyki i infarmatyki ŭ Biarezinskaj škole-internacie dla dziaciej-sirot, a paśla ŭ minskich škołach №47 i №54. Publikavaŭsia ŭ časopisie niefarmalnaj adukacyi «Adukatar».
Hazieta «SB Biełaruś siońnia» ŭ svoj čas raskazvała, jak u 2013 hodzie Džamałava i jaho maci pazbavili pakoja ŭ internacie kambinata školnaha charčavańnia Leninskaha rajona. Tak jon faktyčna zastaŭsia biez doma i vajavaŭ z čynoŭnikami za žyllo. Kab vyrašyć pytańnie, mužčyna dumaŭ pierasialicca ŭ bolš tanny Astraviec ci pajechać u Rasiju.
U 2018 hodzie Džamałava aryštavali za dziejańni seksualnaha charaktaru ŭ adnosinach zaviedama niepaŭnaletniaj. Jak havorycca ŭ prysudzie, jakim z «Našaj Nivaj» padzialiŭsia «Biełpoł», nastaŭnik zasoŭvaŭ ruki pad spadnicu 9-hadovaj vučanicy, dakranaŭsia da jaje noh i pałavych orhanaŭ. Džamałaŭ nie pryznavaŭ vinu, dakazvaŭ, što jaho dziejańni byli kvalifikanyja niapravilna.
Jon atrymaŭ 10 hadoŭ źniavoleńnia.
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami4
Kamientary