Viačasłaŭ Łazaraŭ, jaki vyjšaŭ z mahiloŭskaj kałonii, trochi raskazaŭ pra Padniabiennaha, jaki zahinuŭ «ad udušša»
Jon byŭ u narmalnym psichałahičnym stanie, u jaho nie było dumak pra samahubstva, śćviardžaje były palitviazień na pres-kanfierencyi ŭ Vilni 12 vieraśnia.
«Stan u jaho byŭ adnaznačna taki, što jon nie byŭ daviedzieny, z usimi ŭ jaho byli narmalnyja adnosiny. Heta 18-y atrad, jak ja viedaju. I pa prafuliku tam, pa vialikamu rachunku, niekalki čałaviek tolki — i ŭsio. Voś toje, što ja viedaju», — skazaŭ vyzvaleny i departavany ŭčora videaapieratar Viačasłaŭ Łazaraŭ.
36-hadovy Andrej Padniabienny pamior u kałonii sielota 3 vieraśnia, jaho znajšli paviešanym u štrafnym izalatary, paviedamiła jahonaja maci ŭ sacyjalnych sietkach. Pryčynaj stała nibyta «ŭdušša». Aficyjnyja krynicy śmierć Andreja Padniabiennaha nie paćviardžali.
Padniabiennaha asudzili na 16 hadoŭ i 8 miesiacaŭ pazbaŭleńnia voli pavodle palityčnych spraŭ. Pakarańnie mužčyna adbyvaŭ u mahiloŭskaj kałonii № 15.
Jak piša «Viasna», Andrej Padniabienny navučaŭsia ŭ Homielskim dziaržaŭnym univiersitecie transpartu. Paśla pieravioŭsia ŭ Charkaŭski aŭtadarožny. Pracavaŭ jak IP, mieŭ dazvoł na roźničny handal tavarami. Pracavaŭ taksama ŭ handli aŭtazapčastkami, na kursach kiravańnia.
Andrej pakinuŭ žonku i małych dačok.
«U ŠIZA heta praktyčna niemahčyma». Što byłyja viaźni dumajuć pra viersiju ab samahubstvie Andreja Padniabiennaha
Palitviazień Padniabienny paviesiŭsia ŭ ŠIZA mahiloŭskaj kałonii
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Stała viadomaj pryčyna śmierci palitviaźnia Andreja Padniabiennaha
Cichanoŭskaja pra śmierć u kałonii Andreja Padniabiennaha: Niama prabačeńnia tym, chto datyčny da hetaha złačynstva
36-hadovy palitviazień zahinuŭ u Mahiloŭskaj kałonii
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Inścienirovka, pod rukovodstvom Ihnatienko, skorieje vsieho