Інцыдэнт адбыўся ў населеным пункце Вырыкі, які знаходзіцца прыкладна за 15 км ад мяжы з Беларуссю. У выніку падзення беспілотніка ніхто не пацярпеў, але пашкоджаны дах будынка, піша Reform.news.
«У дах ударыў снарад, дрон, пакуль дакладна не ведаем, гэта расследуюць службы. Галоўнае, што нікому нічога не здарылася. Паліцыя і пажарныя забяспечваюць бяспеку на месцы здарэння, а мы арганізуем крызісную групу, якая зможа дапамагчы жыхарам. Мы абавязкова акажам сям’і ўсю магчымую дапамогу ў рамонце даху. Будзе створаная камісія для ацэнкі шкоды», — распавёў у эфіры TVP Info бурмістр Вырыкаў Бернард Блашчук.
У момант падзення аб’екта ў доме знаходзіліся людзі. Ім была аказана псіхалагічная дапамога.
Як раней паведамляла Аперацыйнае камандаванне відаў Узброеных сіл Польшчы, больш за 10 беспілотнікаў парушылі паветраную прастору краіны. Частка з іх была збіта. Вядуцца пошукі абломкаў і саміх дронаў. Адзін пашкоджаны беспілотнік знойдзены пад Бяла-Падляскай, таксама побач з беларускай мяжой.
Расія нанесла масіраваны ўдар ракетамі і дронамі па Украіне. Польшча закрывала аэрапорты Варшавы і Любліна з-за шахедаў
Паветраную прастору Польшчы парушылі шматлікія беспілотнікі. Закрываліся аэрадромы, дроны збівала авіяцыя НАТА
Польшча збірае экстранную раду бяспекі
Польская паліцыя знайшла пашкоджаны дрон пад Бяла-Падляскай
«Гэта акт вайны»: кангрэсмен ЗША заявіў, што Расія атакавала НАТА
«Міс Беларусь» усё больш нагадвае конкурс прыгажосці ў гарэме23
Каментары