«Spyniłasia serca, znajšli la kaścioła». Małady ksiondz raptoŭna pamior u Hrodzienskaj vobłaści
Va ŭzroście 34 hadoŭ 12 vieraśnia pamior probašč parafii śviatoha archanhieła Michaiła ŭ Ašmianach ksiondz Jan Varaniecki, piša katolik.life.
«Usio adbyłosia raptoŭna. Ksiondz jakraz adpraŭlaŭ pachavalnuju imšu, vielmi cikavuju propaviedź pramoviŭ. Usio było jak zaŭsiody. Paprasiŭ prabačeńnia ŭ rodnych pamierłaha, što nie zmoža pajechać na mohiłki, bo śpiašajecca na imšu ŭ balnicu. Usie pajechali. A jaho praź niekatory čas znajšli miortvym kala kaścioła, jon navat nie paśpieŭ adjechać. Vierahodna, tromb. Ekśpiertyza pakaža. Vierniki ŭ stresie», — kažuć vierniki.
Ksiondz Jan naradziŭsia ŭ 1991 hodzie, pachodziŭ z parafii ŭ Mikieleŭščynie. Śviatarskaje paśviačeńnie pryniaŭ u 2016 hodzie. Byŭ vikaryjem parafii ŭ Ašmianach, hrodzienskich parafij Biezzahannaha Začaćcia Najśviaciejšaj Panny Maryi i Śviatoha Francyska Ksavieryja. U lipieni 2024 hoda staŭ probaščam ašmianskaj parafii.
«Ksiondz probašč Jan zastaniecca ŭ našaj pamiaci dobrym, dobrazyčlivym, zaŭsiody punktualnym, ščyrym u malitvach, nazaŭsiody pryhožym i maładym», — adznačyli vierniki.
Kamientary