12 vieraśnia Hienieralnaja Asambleja AAN pryniała «Ńju-jorkskuju dekłaracyju» ab urehulavańni na Blizkim Uschodzie. Dakumient praduhledžvaje stvareńnie pobač ź Izrailem niezaležnaj paleścinskaj dziaržavy.
Za dekłaracyju prahałasavali 142 krainy, u tym liku delehacyja ad Biełarusi.
Suprać vykazalisia ŭsiaho 10 dziaržaŭ: Arhiencina, Vienhryja, ZŠA, Izrail, Nauru, Pałau, Papua—Novaja Hvinieja, Parahvaj, Tonha, Fiederatyŭnyja Štaty Mikranezii.
12 krain ustrymalisia — heta Ałbanija, Hvatemała, Demakratyčnaja Respublika Konha, Kamierun, Małdova, Paŭdniovy Sudan, Paŭnočnaja Makiedonija, Samoa, Fidžy, Čechija, Ekvador i Efiopija.
Inicyjatyva stała vynikam mižnarodnaj kanfierencyi ŭ štab-kvatery AAN u Ńju-Jorku ŭ lipieni, arhanizavanaj pa prapanovie Francyi i Saudaŭskaj Aravii. Praca kanfierencyi praciahniecca naprykancy vieraśnia.
Pa słovach pasła Francyi Žeroma Banafona, pryniaty dakumient prapanuje «adziny płan dziejańniaŭ» pa realizacyi rašeńnia ab dźviuch dziaržavach. U im praduhledžana spynieńnie ahniu ŭ Hazie, vyzvaleńnie zakładnikaŭ, stvareńnie žyćciazdolnaj suvierennaj palestynskaj dziaržavy. Taksama dekłaracyja patrabuje razzbrajeńnia CHAMAS i adchileńnia jaho ad kiravańnia ŭ Hazie, zaklikaje da narmalizacyi adnosinaŭ pamiž Izrailem i arabskimi krainami, a taksama da mižnarodnych harantyj biaśpieki.
U svaju čarhu, pasoł Izraila ŭ AAN Dani Danon raskrytykavaŭ dakumient, nazvaŭšy jaho «adnabakovym». Pavodle jaho, dekłaracyja «stanie ŭ historyi nie krokam da miru, a čarhovym pustym žestam, jaki padryvaje aŭtarytet Asamblei». Jon zajaviŭ, što hałoŭnym bienieficyjaram hetaha rašeńnia stanie CHAMAS, jaki moža pradstavić jaho jak vynik svaich dziejańniaŭ 7 kastryčnika 2023 hoda.
Prapaleścinskija pratesty zryvajuć adnu z najbujniejšych viełahonak śvietu
Katar ličyŭsia biaśpiečnym miescam dla pieramoŭ. Što budzie paśla ŭdaru Izraila?
Tramp zrabiŭ apošniaje papiaredžańnie CHAMAS
Izrail čakaje, što horad Haza pakinie miljon čałaviek. AAN papiaredžvaje ab žudasnych nastupstvach
Izrail zajaviŭ pra likvidacyju pres-sakratara CHAMAS Abu Ubejdy
Kamientary