Biełarusbank znoŭ praciahnuŭ dziejańnie źnižanych stavak pa kredytach na novabudoŭli
Biełarusbank pradoŭžyŭ dziejańnie panižanych stavak na budaŭnictva i nabyćcio žylla da 15 śniežnia. Na heta źviarnuŭ uvahu Realt.
Biełarusbank z 1 kastryčnika źniziŭ staŭku na kuplu kvater u zabudoŭščykaŭ z 16,65 da 13,75% hadavych, paśla čaho pradoŭžyŭ akcyju da śniežnia. Ciapier ža bank dadatkova pradoŭžyŭ źnižeńnie stavak jašče na 15 dzion.
Idzie havorka pra kuplu žylla, jakoje budujecca, i hatovaha žylla ad lubych zabudoŭščykaŭ. Što datyčycca kupli kvater na druhasnym rynku, to tam staŭka zastałasia raniejšaj — 18,5%.
Pavodle mierkavańnia niezaležnaj ekśpiertki pa žyłoj nieruchomaści Natalli Litojskaj, nie vyklučana, što na fonie źnižeńnia stavak novabudoŭli buduć daražeć.
Akramia taho, u kancy vieraśnia Biełarusbank zapuściŭ novuju dziaržaŭnuju sistemu budaŭničych źbieražeńniaŭ. U pryvatnaści, uvodzili try płany nazapašvańnia — na 26, 38 i 62 miesiacy, da ich dadali «premiju» ad dziaržavy ŭ pamiery 10% ad staŭki refinansavańnia.
Ciapier čytajuć
Dzie pracujuć i jak vyhladajuć žonki top-čynoŭnikaŭ?9
Kamientary