Paśla rekordnaha napłyvu kantrabandnych bałonaŭ ź Biełarusi namieśnik ministra ŭnutranych spraŭ Vajdas Jakštas kaža, što ŭ jakaści miery adkazu ŭrad pakul nie razhladaje zakryćcio miažy, adnak nie vyklučaje, što takoje rašeńnie moža być pryniata ŭ budučyni, paviedamlaje alfa.lt.
«Ideja (zakryć miažu) zaŭsiody jość. Pakul sapraŭdy nie płanujem zakryvać miažu, bo, vidać, heta było b bolš jak dypłamatyčnaja miera ŭździejańnia, jakaja nie vyrašaje prablemu pa sutnaści», — zajaviŭ jon žurnalistam u paniadziełak.
Pavodle słoŭ namieśnika ministra, tolki za noč na paniadziełak byli zafiksavanyja 57 vypadkaŭ kantrabandnych bałonaŭ.
«Treba šukać inšyja miery, jakija dapamahli b dasiahnuć vyniku, ale my nikoli nie vyklučajem usie mahčymaści», — zapeŭniŭ jon. U paniadziełak Ministerstva ekanomiki i inavacyj (EIM) taksama paviedamiła, što try kansorcyumy prapanavali najlepšyja technałahičnyja rašeńni dla baraćby z kantrabandnymi bałonami — ich pradstaŭlajuć kampanii «IT Logika», «Teltonika» i «Dangaus šviesos», kampanii atrymajuć finansavańnie ŭ pamiery 1 młn jeŭra.
Pavodle słoŭ Jakštasa, hetaja miera dapamoža vyrašać vykliki kantrabandnych bałonaŭ u doŭhaterminovaj pierśpiektyvie.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary