U Kobrynie dziaŭčyna tak špurnuła šklany kubak u tavaryša, što toj aślep na adno voka
U Kobrynie zavieršana rasśledavańnie kryminalnaj spravy ab surjoznaj bojcy, jakaja skončyłasia ciažkimi nastupstvami dla adnaho z udzielnikaŭ — častkovaj strataj zroku.
Pavodle danych śledstva, u kancy studzienia kampanija adznačała dzień naradžeńnia. Padčas zastolla pamiž haściami ŭspychnuŭ kanflikt. 29-hadovaja žycharka Kobryna ŭ paryvie złości špurnuła ŭ 27-hadovaha mužčynu šklany kubak.
Pasudzina raźbiłasia ab hałavu paciarpiełaha, a askiepki paškodzili jaho levaje voka. Niahledziačy na lačeńnie, zachavać zrok nie ŭdałosia — mužčyna całkam aślep na adno voka.
Śledčyja dapytali śviedkaŭ i pryznačyli ekśpiertyzu, jakaja paćvierdziła ciažkaść traŭmaŭ. Žančyna pryznała vinu i patłumačyła svaje dziejańni abraźlivymi žartami paciarpiełaha ŭ adras jaje sužyciela.
Joj vystaŭlena abvinavačańnie pavodle artykuła ab naŭmysnym pryčynieńni ciažkich cialesnych paškodžańniaŭ. Jon praduhledžvaje pakarańnie až da vaśmi hadoŭ pazbaŭleńnia voli. Da suda dziaŭčyna znachodzicca pad padpiskaj ab niavyjeździe.
Ciapier čytajuć
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary