Mužčyna ŭ stanie ałkaholnaha apjanieńnia zrabiŭ nie mienš jak čatyry streły ź pnieŭmatyčnaha pistaleta pa ściohnach 13‑hadovaj dački.
U Homieli raspačata kryminalnaja sprava suprać 42‑hadovaha mužčyny, jakoha vinavaciać u naŭmysnym pryčynieńni cialesnaha paškodžańnia svajoj 13‑hadovaj dačce. Pavodle źviestak prakuratury Akciabrskaha rajona, mužčyna ŭ stanie ałkaholnaha apjanieńnia zrabiŭ nie mienš jak čatyry streły ź pnieŭmatyčnaha pistaleta pa jaje ściohnach.
Sudova-miedycynskaja ekśpiertyza paćvierdziła najaŭnaść ran, što kvalifikujucca jak lohkija cialesnyja paškodžańni.
Padazravany raniej nieadnarazova pryciahvaŭsia da kryminalnaj i administracyjnaj adkaznaści, u tym liku za pravaparušeńni ŭ stanie apjanieńnia.
U hetym vypadku dačka admoviłasia ad napisańnia zajavy, bo baćka źjaŭlajecca jaje adzinym zakonnym pradstaŭnikom — maci pazbaŭlena baćkoŭskich pravoŭ.
Niahledziačy na adsutnaść zajavy ad niepaŭnaletniaj, prakuror paličyŭ nieabchodnym raspačać spravu, bo dziejańni mužčyny źjaŭlajucca pahrozaj žyćciu i zdaroŭju dziciaci, jakoje nie moža samastojna abaranić svaje pravy.
Dziaŭčynku pa rašeńni kamisii pa spravach niepaŭnaletnich adabrali ŭ baćki i časova raźmiaścili ŭ sacyjalna-piedahahičnym centry.
Ciapier čytajuć
«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla4
Kamientary