Na nastupnym tydni, z 22 pa 28 vieraśnia, u Biełarusi čakajucca pieršyja vosieńskija zamarazki i tumany. Pra heta papiaredziŭ sinoptyk Dźmitryj Rabaŭ u efiry ANT.
Paśla ciopłych niadzieli i paniadziełka ŭ krainu pryjdzie sapraŭdnaja vosień: rezkaje panižeńnie tempieratury budzie vyklikana prychodam chałodnaha pavietra z palarnych rehijonaŭ. Pavodle Dźmitryja Rabava, pierachod ad ciopłaha pavietra da chałodnaha adbudziecca litaralna za sutki.
Kaniec vieraśnia, vierahodna, budzie poŭnaj supraćlehłaściu pačatku miesiaca, kali nadvorje było letnim. Asabliva vialikaja vierahodnaść pieršaha chałodnaha nadvorja prypadzie na druhuju pałovu tydnia.
U paniadziełak, 22 vieraśnia, nočču tempieratura składzie +9…+15°S, a dniom — apošnija letnija +21…+28°S, apadkaŭ nie budzie.
Rešta pracoŭnaha tydnia budzie chałodnaj i niaŭtulnaj: pavietranyja masy, jakija pryjduć z arktyčnych rehijonaŭ, pryniasuć nievialikija daždžy, a napramak vietru źmienicca na paŭnočny. Načnyja tempieratury apuściacca da +6…+12°S, a dniom budzie tolki +13°S na paŭnočnym zachadzie i da +19°S na poŭdni. U sieradu dniom čakajecca +13…+17°S.
U druhoj pałovie tydnia Biełaruś apyniecca pad upłyvam skandynaŭskaha antycykłonu z chałodnym pavietram. Apadkaŭ nie pradbačycca, ale ŭnačy i ranicaj mahčymyja słabyja tumany. Načnaja tempieratura składzie +3…+7°S, dniom budzie ŭžo ciaplej, ale pa-asieńniamu: u čaćvier +11…+16°S, u piatnicu +10…+14°S.
U apošnija vychadnyja vieraśnia chałodnaje nadvorje zachavajecca. Apadkaŭ nie budzie, ale buduć hustyja tumany z bačnaściu da 500 mietraŭ. Načami budzie jašče chaładniej: +3…+8°S, mahčymyja pieršyja marazy. Dniom u subotu, 27 vieraśnia, u Minsku +7°S, a na poŭdni, u Breście — da +17°S. U niadzielu tempieratura budzie anałahičnaj: +7°S na paŭnočnym uschodzie i da +15°S na paŭdniovym zachadzie.
Ciapier čytajuć
Minski haradski sud nie vytrymlivaje nahruzki — nie paśpiavajuć sudzić palitviaźniaŭ5
Kamientary