Apošni tydzień listapada budzie ź pieramienami tempieratur i častymi apadkami
Sinoptyk Dźmitryj Rabaŭ u efiry telekanała ANT raskazaŭ, jakim budzie apošni tydzień listapada — z 24 da 30 listapada. Pavodle jaho słoŭ, heta nadvorje budzie całkam adpaviadać poźniaj vosieni: jano budzie niestabilnym, ź pieramienami tempieratur i častymi apadkami.
Rabaŭ adznačyŭ, što kraina ciapier pad upłyvam čarhovaj «karusieli atłantyčnych cykłonaŭ», jakija prynosiać u Biełaruś novyja porcyi chałodnaha pavietra. Tamu na praciahu tydnia mahčymyja jak śnieh i mokry śnieh, tak i doždž.
Sinoptyk padkreśliŭ: sapraŭdnaha zimovaha nadvorja ŭ kancy listapada i navat u pačatku śniežnia čakać jašče nie varta.
U paniadziełak, 24 listapada, u krainu pryjduć vilhotnyja pavietranyja masy. Čakajucca śnieh, mokry śnieh i doždž. Unačy i ranicaj mahčymyja tuman i słaby hałalod. Tempieratura nočču — ad +1 da —6, udzień kala nula.
U aŭtorak, 25 listapada, stanie krychu ciaplej: udzień da +3.
U sieradu, 26 listapada, čarhovy atmaśfierny front znoŭ pryniasie śnieh i mokry śnieh pa ŭsioj krainie. Unačy i ranicaj — tumany i hałalodzica. Tempieratura — ad +1 da —4, udzień ad 0 da +6.
U čaćvier—piatnicu, 27—28 listapada, u Biełaruś pryjdzie bolš ustojlivy antycykłon. Značnych apadkaŭ nie čakajecca. Unačy i ranicaj usio jašče tuman, tempieratura — ad —1 da +6. Udzień — kala nula.
Apošnija dni vosieni, 29—30 listapada, buduć pad upłyvam vobłaści vysokaha cisku. U niekatorych rajonach mahčymyja nievialikija apadki. Unačy i ranicaj — tuman, ad —1 da +6.
U subotu dniom ad +1 da —3, u niadzielu — kala nula.
Takim čynam, tydzień budzie pieramienlivym, z častymi tumanami, apadkami i nievialikimi načnymi zamarazkami.
Kamientary
Možna budzie bačyć, ci robić Łukašenka niešta pa spynieńniu kantrabandy. Kali nie, šansy na navinu pra zakryćcio aeraporta.
I takija ŭmovy paŭtoracca ŭ siaredzinie tydnia pry nastupnym cykłonie.
Prahnozy, da jakich dažylisia.